________________
६८०
माताधरणा समंता विप्पलाइधा । तएणं ते जगरगुत्तिया ते विउलं धण फणगं गेहति, गेमिहत्ता जेणेव रायगिहे तेणेव उवागच्छति । तएण से चिलाए त चोरसेणं तेहि जयरगुत्तिएहि हयमहिय जाव भीए तत्थे सुसुम दारियं गहाय एगं महं अग्गामियं दीहमद्ध अडवि अणुप्पविट्टे । तएणं धण्णे सत्यवाहे सुंसुमं दारिय चिलाएणं अडवीमुह अवहीरमाणि पासित्ताणं पचहि पुत्तेहि सद्धि अप्पउट्टे सन्नवद्ध० चिलायस्स पदमग्गवीहि अणुगच्छमाणे अभिगज्जते हक्कारेमाणे पुस्कारेमाणे अभितज्जेमाणे अभितासेमाणे पिट्टओ अणुगच्छइ । तएण से चिलाए तंधण्णं सस्थवाह पंचहि पुत्तेहि सद्धिं अप्पछठं सन्नद्ववद्ध० समणुगच्छ माण पासइ, पासित्ता अत्थामे अवले अवीरिए अपुरिसक्कारपरक्कमे जाहे जो सचाएइ सुसुम दारिय णिवाहित्तए, ताहे सते तते परितते नीलप्पल. असि परामुसइ, परामुसित्ता सुसुमाए दारियाए उत्तमगं छिदइ, छिदित्ता, त गहाय त अग्गामियं अडवि अणुप्पविट। तएण से चिलाए तीसे अगामियाए अडवीए तहाए अभिभूए समाणे पम्हुट दिसाभाए, सीहगुह चोरपल्लि असपत्ते अतरा चेव कालगए।
एवामेव समणाउसो । जाव पव्वइए समाणे इमस्स ओरालियसरीरस्स वतासवस्स जाव विद्धसणधम्मस्स वण्णहेउ जाव आहार आहारेइ, से णं इहलोए चेव बहूणं समणाणं४ हिलणिज्जे ३ जाव अणुपरियहिस्सइ, जहा व से चिलाए तक्करे ॥ सू०७॥
