________________
अनगारधर्मामृतपणी टीका २०८ अदीनशत्रुनृपवर्णनम्
गिण्हित्ता जेणेव चित्तसभा तेणेव अणुपविसइ, अणुपविसित्ता भूमिभागे विरचइ, विरंचित्ता भूमिं सज्जेइ, सज्जित्ता चित्तसमं हावभाव जाव चित्तेउ पयत्ता यावि होत्या, तरणं एगस्स चित्तगरस्स इमेयारुवा चित्तगरलापत्ता अभिसमन्नागयाजस्स णं दुपयस्स वा चउप्पयस्स वा अपयस्स वा एगदेसमवि पासइ, तस्स णं देसानुसारेण तथाणुरुव रूव निव्वत्तेs, तएण से चित्तगरदारए मल्लीए जवणियतरियाए जालतरेण पायगुटु पासइ, तएण तस्स चित्तगरस्त इमेयारूवे जाव सेयं खलु मम मल्लीए एवि पायगुट्टाणुसारेणं सरिसगं जाव गुणो ववेय रूव निव्वत्तित्तए, एव संपेहेइ, सपेहित्ता मृमिभागं सज्जेइ, सज्जित्ता मल्लीए व पायगुट्टाणुसारेण जाव निव्वत्तेइ, तरणंसा चित्तगरसेणी चित्तसभ हावभाव जाव चित्तेइ, चित्तित्ता जेणेव मल्लदिन्ने कुमारे तेणेव जाव एतमाणत्तिय पच्चपिणइ, तएण मल्लदिन्ने चित्तगरसेणि सक्कारेइ, सम्माणेइ, सक्कारिता सम्माणित्ता विपुल जीवियारिह पीइदाण दलेइ, दलित्ता पडिविसज्जेइ । तएण मल्लदिन्ने अन्नया पहाए अते उरपरियाल - सपरिवुडे अम्मधाईए सद्धि जेणेव चित्तसभा तेणेव उवागच्छइ, उवागच्छित्ता चित्तसभ अणुपविसइ, अणुपविसित्ता हावभाव - विलास विष्ोयकलियाइ रुवाइ पासमाणे जेणेव मल्लीए विदेहरायवरकन्नाए तथाणुरुवे णिव्वत्तिए तेणेव पहारेत्थ
गमणाए || सू०२७ ॥
४११
