________________
अनगारधर्मामृतवर्णिटीका अ, १.स ३५ मेधकुमारदीक्षोत्सवनिरूपणम् ४.५ कडीणं अहसयं वरतुरगाणं पुरओ अहाणुपुवीए संपट्रियं । तयाणं. तरं च णं ईसिदंताणं इसिमत्ताणं ईसिउच्छंगविसालप्पबलदं. ताणं कंचणकोसिपविठ्ठदंताणं अट्ठसयं गयाणं पुरओ अहाणुपुठवीए संपट्टियं। तयाणंतरं चणं सछत्ताणं सज्झयाणं लघंटाणं सपडागाणं सतोरणवराणं सनंदिघोसाणं सरिंखिणीजालपरिक्खिताणं हेममयचित्ततिणिसकणगनिजुत्तदारुयाणं, कालायससुकय नेमिजंतकम्माणं सुसिलिट्रवित्तमंडलधुराणं आइण्णवरतुरगसंपउत्ताणं कुसलनरछेयसारहिसुसंपरिग्गहियाणं बत्तीसतोणपरिमंडियाणं सकंकडवडंसकाणं सचावसरणपहरणावरणभरियजुद्धसज्जोणं अट्रसयं रहाणं पुरओ अहाणुपुबीए संपट्टिय। तयाणं च णं असि सत्तिकांततोमरसूललउडभिंडिमालधणुपाणिसज्ज पायत्ताणीयं पुरओ अहाणुपुठवीए संपट्टियं । तएणं से मेहेकुमारे हारोत्थयसुकयरइय. वच्छे कुंडलजोइयाणणे मउदित्तसिरए अब्भहिय रायतेयलच्छीए दिप्पमाणे सकोरेंटमल्लदामेणं छत्तेणं धरिजमाणेणं सेयवरचामराहिं उद्धृत्वमाणीहि हयगयपवरजोहकलियाए चाउरंगिणीए सेणाए समणुगम्ममाणग्गे जेणेव गुणसिलए चेइए तेणेव पहारेत्थ गमणाए। तएणं तस्स मेहस्स कुमारस्स पुरओ महा आसा आसधरा उभओ पासे नागा नागधरा करिवरा पिटुओ रहा रहसंगेल्ली। तएणं से मेहेकुमारे अब्भुगयभिंगारे पग्गहियतालियंटे ऊसविय सेयच्छन्तेपवीजियवालवियणीए सव्विड्डीए सव्वजुईए सव्वबलेणं सव्वस. मुदएणं सव्वादरेणं सव्वविभूईए सवविभूसाए सव्वसंभमेणं सबगंधपुप्फमल्लालंकारेणं सव्वतुरियसहसन्निनाएणं महया इडीए
