________________
१७४
शाताधर्म कथामस्त्रे
मूलम्--तएणं साधारिणी देवी तंसि दोहलंसि अविणिजमाणंसि असंपन्नदोहला असंपुन्नदोहला असंमाणियदोहला सुक्का भुक्खा णिम्मंसा ओलुग्गा ओलुग्गा सरीरा पमइलदुब्बला किलंता ओमंथिय वयणनयणकमला पंडुइयमुहा करयलमलियव्व चंपगमाला णित्तेया दीणविवण्णवयणा जहोचियपुप्फगंधमल्लालंकारहारं अणभिलसमाणी कीडारमणकिरियं च परिहावेमाणीदीणा दुम्मणानिराणंदा भूमिगय दिट्रिया ओहयमणसंकप्पा जाव झियायइ । तएणं तीसे धारिणीए देवीए अंगपडियाओ अभितरियाओ दासचेडियाओ धारिणी देवी ओलुग्गं जाव झियायणि पासंति पासित्ता एवं वयासी-किण्णं तुमे देवाणुप्पिए ! ओल्लुग्गा ओलुग्गसरीरा जाव झियायसि ?, तएणं सा धारिणीदेवी ताहिं अंगपडियारियाहि अभितरियाहिं दासचेडियाहिं एवं वुत्ता समाणी ताओ दासचेडियाओ नो आढाइ णो परियाणाइ अणाढायमाणी अपरियाणमाणी तुसिणीया संचिट्रइ । तएणं ताओ अंगपरियारियाओ अभितरियाओ दासचेडियाओ धारिणी देवी दोच्चंपि तच्चंपि एवं वयासी-किन्नं तुमे देवाणुप्पिए ! ओलुग्गा ओलुग्गसरीरा जाव झियायसि ? । तएणं सा धारिणी देवी ताहिं अंगपडियारियाहि अभितरियाहिं दासचेडियाहिं दोच्चंपि तञ्चपि एवं वुत्ता समाणी णो अढाइ णो परियाणाइ अणाढायमाणी अपरिजाणमाणी तुसिणीया संचिंटुइ । तएणं ताओ अंगपडियारियाओ दास
