________________
७२६
भगवतीसूत्रो सरिसत्तए, सरिसवए, सरिसभंडमत्तोवगरणे रहेणं पडिरहं हवं आगए, तएणं से पुरिसे वरुणं णागनत्तुयं एवं वयासीपहण भो वरुणा ! णागणतुया । तए णं से वरुणे णागनत्तुए तं पुरिसं एवं वयासी-णो खल्ल मे कप्पइ देवाणुप्पिया ! पुर्वि अहयस्स पहणित्तए, तुमं चेव णं पुर्वि पहणाहि। तए णं से परिसे वरुणे ण णागणुत्तएणं एवं वुत्ते समाणे आसुरुत्ते जाव मिसिमिसेमाणे धणुं परामुसइ, धणुं परामुसित्ता उसुं परामुसइ, उसुं परामुसित्ता ठाणं ठाइ, ठाणं ठिच्चा, आययकन्नाययं उसुं करेइ, आययकन्नाययं उसुं करित्ता वरुणं जागणत्तुयं गाढप्पहारीकरेइ, तएण से वरुणे णागणत्तुए तेणं पुरिसेणं गाढप्पहारीकए समाणे आसुरुत्ते जाव मिसिमिसेमाणे धणुं परामुखइ, धणुं परामुसित्ता, उसुं परामुखइ, उसु परामुसित्ता आययकन्नाययं उसु करेइ, आययकन्नाययं उसु करेत्ता तं पुरिसं एगाहच्चं कूडाहचं जीवियाओ ववरोवेइ । तए णं से वरुणे णागणत्तुए तेणं परिसेणं गाढप्पहारीकए समाणे अत्थामे, अबले, अवीरिए, अपुरिसक्कारपरक्कमे अधारणिजमिति कट्ठ तुरए निगिण्हइ, तुरए निगिणिहत्ता रहं परावत्तेइ, रहं परावत्तित्ता, रहमुसलाओ संगामाओ पडिणिक्खमइ, पडिणिक्खमित्ता एगंतमंतं अवकमइ, एगंतमंतं अवकमित्ता तुरए णिगिण्हइ, तुरए णिगिण्हित्ता रहे ठवेइ, रहं ठवेत्ता रहाओ पच्चोरहइ, रहाओ पच्चोरहित्ता तुरए
