________________
૨૨૨
... .. . भगवतीसूत्रो
क्षेत्रातिक्रान्ताधाहारवक्तव्यता । मूलम्-' अह णं भंते ! खेत्ताइक्कंतस्स, कालाइकंतस्स, सग्गाइकंतस्स, पमाणाइक्कंतस्स पाण-भोयणस्स, के अटे पण्णत्ते ? गोयमा! जे णं निग्गंथो वा, निग्गंथी वा, फासु-एसणिज्जं असण-पाण-खाइम-साइमं अणुग्गए सूरिए पडिग्गाहेत्ता उग्गए सूरिए आहारं आहारेइ, एस-णं गोयमा ! खित्ताइकंते पाण-भोयणे । जेणं निग्गंथो वा जाव-साइमं पढमाए पोरिसीए पडिग्गाहेत्ता, पच्छिमं पोरिसिं उवायणावेत्ता आहारं आहारेइ, एस णं गोयमा ! कालाइक्कते पाण-भोयणे। जेणं णिग्गंथो वा जाव-साइमं पडिग्गाहित्ता परं अद्धजोयणमेराए वीइकमावइत्ता, आहारमाहारेइ, एस णं गोयमा ! मग्गाइक्कते पाण-भोयणे। जे णं निग्गंथो वा, निग्गंथी वा, फासु-एसणिज्ज जाव साइमं पडिग्गाहित्ता, परं बत्तीसाए कुक्कुडिअंडगप्पमाणमेत्ताणं कवलाणं आहारं आहारेइ, एसणं गोयमा ! पमाणाइकंते पाण-भोयणे । अकुक्कुडिअंडगप्पमाणमेत्ते कवले आहारं आहारेमाणे अप्पाहारे, दुवालस कुक्कुडिअंडगप्पमाणमेत्ते कवले आहारं आहारेमाणे अवड्डोमोयरिए, सोलस कुक्कुडिअंडगप्पमाणमेत्ते कवले आहारं आहारेमाणे दभागप्पत्ते चउबीसं कुक्कुडिअंडगप्पमाणमेत्ते कवले आहारं आहारेमाणे ओमोयरिए, वत्तीसं कुक्कुडिअंडगप्पमाणमेत्ते कवले आहारं आहारेमाणे पमाणप्पत्ते, एत्तो एक्केणवि घासेणं ऊणगं आहार
