________________
१५
स्थानासूत्र गारियं पवइए णिगंथे पावयणे संकिए कंखिए वितिगिच्छिए भेयसमावण्णे कलुसलमावण्णे णिग्गथं पावयणं णो सदहइ णो पत्तियइ णो रोएइ, णिग्गंथं पावयणं असदहमाणे अपत्तियमाणे अरोएमाणे मणं उच्चावयं णियच्छइ विणिघायमावज्जइ, पढमा दुहसेज्जा १॥
अहावरा दोच्चा दुहसेज्जा, तं जहा-ले णं मुंडे भवित्ता अगाराओ जाव पव्वइए सएणं लाभेणं णो तुस्सइ परस्स लाभमासाएइ पोहेइ पत्थेइ अभिलसइ, परस्स लाभमासाएमाणे जाव अभिलतमाणे मणं उच्चावयं णियच्छइ विणिघाय-. मावज्जइ, दोचा दुहसेज्जा २॥
अहावरा तच्चा दुहसेज्जा, तं जहा-से णं मुंडे भवित्ता जाव पवइए दिव्वे माणुस्सए कामभोगे आसाएइ जाव अभिलसइ दिव्वे माणुस्सए कामभोगे आसाएमाणे जाव अभिलसमाणे मणं उच्चावयं णियच्छइ विणिघायमावज्जइ, तच्चा दुहसेज्जा ।।
अहावरा चउत्था दुहसेज्जा, तं जहा-से मुंडे जाव पव्वइए तस्स णमेवं भवइ-जया णं अहमगारवासमावसामि तया णमहं संवाहणपरिमदणगात्तभंगगाउच्छोलणाई लभामि जप्पभिई च णं अहं मुंडे जाव पवइए तप्पभिई च णं अहं संवाहण जाव गाउच्छोलणाई णो लभामि, से णं संवाहण जाव गाउच्छोलणाइं आसाएइ जाव अभिलसइ, से णं संवा
