________________
परिशिष्ट १
१६५
अच्छिनिमीलणमेत्तं, नत्थि सुहं दुक्खमेव अणुबद्ध। नरए नेरइयाणं, अहोनिसिं पच्चमाणाणं।।१६७॥ तत्थ य सम्मादिट्ठी, पायं चिंतंति वेयणाऽभिहया। मोत्तुं कम्माइ तुमं, मा रूससु जीव ! जं भणियं॥१६८॥ सव्वो पुव्वकयाणं, कम्माणं पावए फलविवागं। अवराहेसु गुणेसु य, निमित्तमेत्तं परो होइ॥१६९॥ धारिज्जइ एंतो जलनिही वि कल्लोलभिन्नकुलसेलो। न हु अन्नजम्मनिम्मियसुहासुहो देव्वपरिणामो॥१७०॥ अकयं को परिभंजइ ?, सकयं नासेज्ज कस्स किर कम्मं ?। सकयमणु/जमाणे, कीस जणो दम्मणो होइ ?॥१७१॥ दुप्पत्थिओ अमित्तं, अप्पा सुप्पत्थिओ हवइ मित्तं। सुहदुक्खकारणाओ, अप्पा मित्तं अमित्तं वा॥१७२॥ वारिज्जंतो वि हु गुरुयणेण तइया करेसि पावाइं। सयमेव किणियदक्खो, रूससि रे जीव ! कस्सिण्डिं ?॥१७३॥ सत्तमियाओ अन्ना, अट्ठमिया नत्थि निरयपुढवि त्ति। एमाइ कुणसि कूडुत्तराई इण्हिं किमुव्वयसि ?॥१७४॥ इय चिंताए बहुवेयणाहिं खविऊण असुहकम्माइं। जायंति रायभुवणाइएसु कमसो य सिझंति॥१७५॥ अन्ने अवरोप्परकलहभावओ तह य कोवकरणेणं। पावंति तिरियभावं, भमंति तत्तो भवमणंत॥१७६॥ पाणिवहेणं भीमो, कुणिमाहारेण कुंजरनरिंदो। आरंभेहि य अघलो, नरयगईए उदाहरणा॥१७७॥ एवं संखेवेणं, निरयगई वन्निया तओ जीवा। पाएण होति तिरिया, तिरियगई तेणऽओ वोच्छं।१७८॥ एगिंदियविगलिंदियपंचिं(चें)दियभेयओ तहिं जीवा। परमत्थओ य तेसिं, सरूवमेवं विभावेज्जा॥१७९॥ पुढवी फोडणसंचिणणहलमलणखणणाइदुत्थिया निच्चं। नीरं पि पियणतावणघोलणसोसाइकयदुक्खं॥१८०॥
