Tare Te Tirth

SR No.: 009222
Original Sutra Author: N/A
Author: Jitendra T Dedhia
Publisher: Mahendra Kanji Gosar
Total Pages: 126
Language: Gujarati
Classification: Book_Gujarati
File Size: 4 MB

Page 77

પાર્શ્વનાથ ભગવાનની અલૌકિક તેમજ કસોટી–પાષાણમાંથી બનાવેલી બે પ્રતિમાઓ લઈને પસાર થઈ રહ્યાં હતાં. રાત્રે તેમને દૈવિક સ્વપ્ન સંકેત થયો કે આ પ્રતિમાઓ શેઠજીને આપવી.આ બાજુ શેઠને પણ સ્વપ્નમાં આ પ્રતિમાઓ લઈ લેવાની પ્રેરણા મળી. શેઠે બન્ને પ્રતિમાઓના વજન તુલ્ય સોનું આપી આ પ્રતિમાઓ ખરીદી. જે લાકડાના રથમાં આ પ્રતિમાઓ આવી હતી એ જ રથ હમણાં પણ જોવા મળે છે. એક માન્યતા અનુસાર ધીરુશાહ શેત્રુજ્ય સંઘ લઈને ગયા હતા અને પાછા ફરતાં પાટણથી પ્રતિમાઓજી લાવ્યા હતા. ત્યારે સંઘ સાથે વિચરેલ એ રથ છે. આ વિશિષ્ટ પ્રતિમાઓની વિ. સં. ૧૬૭૩માં પ્રતિષ્ઠા કરવામાં આવી. સહસ્ત્રફણા પાર્શ્વનાથ ભગવાનની કસોટી–પાષાણમાંથી બનેલી આવી ક્લાત્મક અને ચમત્કારિક પ્રતિમાજીનાં દર્શન બીજે દુર્લભ છે. અહીંના અધિષ્ઠાયક દેવ ધરણેન્દ્ર ભક્તજનોને સાક્ષાત દર્શન આપે છે. જૈન ધર્મના અધિષ્ઠાયક આજે પણ જાગ્રત છે. ઇ. સ. ૧૯૬૫માં ભારત-પાકિસ્તાન યુદ્ધ વખતે અન્યધમીઓને આ વાતની પ્રતીતિ થઈ હતી. આ ચમત્કારિક અને ધાર્મિક સ્થળની મુલાકાત અવશ્ય લેવી. અહીં કલ્પવૃક્ષ તથા પ્રવેશદ્વાર જોવા જેવું છે.
આ સ્થળ જેસલમેરથી ૧૧-૧૨ કિ.મી. દૂર આવેલું છે. રહેવા માટે ધર્મશાળા, અને ભોજનશાળા છે.
૭૦. શ્રી બ્રહ્માસર-(સાગર) તીર્થ મૂળનાયક: શ્રી જગવલ્લભ પાર્શ્વનાથ ભગવાન, શ્વેત વર્ણ, પદ્માસનસ્થ. તીર્થસ્થળ: જેસલમેરથી ૧૩ કિ.મી. દૂર બાગસા માર્ગે આ તીર્થ આવેલું છે. લોકવાથી
પણ જઈ શકાય છે. ૭ કિ.મી. પાકી, ૬ કિ.મી. મચી સડક છે. જેસલમેર પંચતીથીનું એક સ્થળ છે. જનશ્રુતિ અનુસાર દેરાઉર ગામમાં લુણિયા ગોત્રના એક શેઠને યવન લોકો ખૂબ જ હેરાન કરતા. દાદાશ્રી જિકુશલસુરીશ્વરજી ગુરુદેવે શેઠને રાજસ્થાન પ્રસ્થાન કરવાનું કહ્યું અને પાછળ જવાની ના કહી. લૂણિયા પરિવાર ઊંટો ઉપર સામાન મૂકીને ચાલ્યા. આ સ્થળે પહોંચ્યા ત્યારે અજવાળું થતાં શેઠજીએ પાછળ ફરીને જોયું અને ગુરુદેવ તરત જ ત્યાં રોકાઈ ગયા અને આશીર્વાદ આપી કહ્યું. હવે હું જાઉં છું, તમે ડરશો નહી. નજીકમાં બ્રહ્મસર ગામ છે
ત્યાં જો. જે પથ્થર ઉપર ઊભા રહી ગુરુદેવે દર્શન આપ્યાં એ જ પથ્થર પર ગુરુદેવના ચરણો ઉત્કીર્ણ કરાવીને છત્રીની સ્થાપના કરાવી હતી. આ ચરણો આજે પણ છે. દાદાવાડી પણ છે. આ દાદાવાડીમાં એક કુંડ છે જેમાં દુકાળના સમયમાં હમેશાં નિર્મળ પાણી ભરેલું રહે છે. આ સ્થળ ખૂબ જ ચમત્કારિક અને જોવાલાયક છે. મંદિર પાસેના ઉપાશ્રયના દરવાજા ઉપરના કલાના નમૂના જોવા જેવા છે.