Page Text
________________
લાવ્યા હોવાનું બતાવાય છે. યાદવ ટેકરી તેમજ શત્રુંજય ટેકરી વચ્ચેના પહાડોનું દેરાસરોનું સૌદર્ય ખૂબ જ સુંદર છે. ગામમાં શ્રી આદિનાથ ભગવાનના મંદિરમાં વિશાળ રંગમંડપમાં ચિત્રકામ પ્રાચીન હોવા છતાં સાફ અને સુંદર છે. ડુંગર ઉપર એક હાથીની પ્રતિમાજી છે. ગામમાં રહેવા અને જમવાની સગવડો છે. આ સ્થળ અત્યંત પ્રાચીન અને સુંદર છે. રાણી ૨૮ કિ.મી., ફાલના ૪૦ કિ.મી., દેસુરી ૬ કિ.મી, ઘાણેરાવ ૧૩ કિ.મી. દૂર છે બન્ને પહાડો ઉપર જતાં-આવતાં દોઢેક ક્લાકનો સમય લાગે છે. ચઢાણ કક્તિ નથી. પગથિયાં બનાવેલાં છે.
૧૬. શ્રી નાંડોલ તીર્થ: મૂળનાયક: શ્રી પદ્મપ્રભુ ભગવાન, શ્વેત વર્ણ, પદ્માસનસ્થ. તીર્થસ્થળ: નાંડોલ ગામ પ્રાચીન તીર્થયાત્રાના ગ્રન્થો પ્રમાણે અત્યંત પ્રાચીન અને
સંપ્રતિ રાજાના સમય પહેલાંનું ગણવામાં આવે છે. શ્રી પદ્મપ્રભુનું મંદિર સુંદર છે. અત્યારે પાછળ એક જલમંદિરની રચનાનું નિર્માણ ચાલુ છે. આ સિવાય અહીં બીજાં ત્રણ દેરાસરો છે. શ્રી નેમિનાથ ભગવાનનું મંદિર અતિ પ્રાચીન માનવામાં આવે છે. આ મંદિરમાં એક ભોંયરામાં વિ. સં. ૩00 પહેલાં આચાર્ય શ્રી માનદેવસુરીશ્વરજીએ ઉપદ્રવની શાંતિ માટે યોગસાધના કરી “લઘુશાંતિ” સ્તોત્રની રચના કરી હતી. આ ઉપરાંત શ્રી મહાવીર સ્વામી ભગવાનનું દેરાસર પણ પ્રાચીન છે. રાણી સ્ટેશન ૧૦ કિ.મી. છે. અહીં પ્રાચીન ક્લાકૃતિઓ ખાસ કરીને અખંડ કસોટીનું ચૌમુખીનું દેરાસર જરૂર જોવું.
૧૭. શ્રી વરાણા તીર્થ: મૂળનાયક: શ્રી પાર્શ્વનાથ ભગવાન, શ્વેત વર્ણ, પદ્માસનસ્થ. તીર્થસ્થળ: અહીંની કોતરણી આબુ, રાણકપુર પ્રકારની છે. દેરાસર નાનું પણ સુંદર
છે. આ તીર્થ પણ પ્રાચીન છે અને પંચતીથીનું સ્થળ મનાય છે. રાણીથી ૩ કિ.મી., ફાલનાથી ર૦ કિ.મી. દૂર છે. નાડલાઈ, નાડોલ થઈ વરતાણા આવી શકાય છે.
૧૮. શ્રી ખીમેલ તીર્થ મૂળનાયક: શ્રી શાન્તિનાથ ભગવાન, શ્વેત વર્ણ, પદ્માસનસ્થ. તીર્થસ્થળ: આ સ્થળે બીજાં ત્રણ મંદિરો છે. શ્રી શાન્તિનાથ ભગવાનનું આ દેરાસર
વિક્રમ સં. ૧૨૦૦માં નિર્માણ થયાનું મનાય છે. ખીમેલ ગામ રાણીથી ૪ કિ.મી. અને હાલનાથી ૧૧ કિ.મી. છે. રાણી ગામના બજારમાં શ્રી શાંતિનાથ ભગવાનનું દેરાસર છે.
| SR No. | 009222 |
| Book Title | Tare Te Tirth |
| Original Sutra Author | N/A |
| Author | Jitendra T Dedhia |
| Publisher | Mahendra Kanji Gosar |
| Publication Year | |
| Total Pages | 126 |
| Language | Gujarati |
| Classification | Book_Gujarati |
| File Size | 4 MB |