Page Text
________________
!
તીર્થ ભ્રમણ
“તારે તે તીર્થ” ની બીજી આવૃતિ પ્રસિધ્ધ કરતાં અત્યંત આનંદ અનુભવીએ છીએ.
મર્યાદિત સંખ્યામાં છપાયેલી અને પ્રસિધ્ધ થયા પછી થોડાંક દિવસોમાં ચપોચપ ઉપડી ગયેલી પહેલી આવૃતિ વાંચીને અનેક વાચકો અને સંસ્થાઓએ આ પુસ્તકની માંગણી કરી. કેટલાંય પત્રો અમને મળ્યાં, પોતાને પુસ્તક ન મળવા બદલ ઘણાં વાચકો અત્યંત નારાજ થયાં.
આ પુસ્તકના લેખક અને સંકલયિતા શ્રી જીતેન્દ્રભાઇ દેઢીયા ઘણા વર્ષો સુધી અમેરિકામાં ઇલેકટ્રીકલ એન્જિનિયર તરીકે રહ્યાં પછી ત્યાંનો વસવાટ છોડી ભારતમાં સ્થિર થયાં. વડિલોની સાથે તીર્થયાત્રા કરતાં કરતાં યાત્રા પ્રવાસ પરત્વે જાગેલી રૂચિ અને મમતાને સમાજના બહોળા વર્ગ સમક્ષ લાવવાનો તેમણે સ્તુત્ય પ્રયાસ કર્યો જેના ફળસ્વરૂપે જૈન સમાજને “તારે તે તીર્થ ' જેવું અત્યંત સરસ અને ઉપયોગી પુસ્તક સાંપડયું.
લેખક પોતે યંત્રોઘોગ વ્યવસાયમાં વ્યસ્ત હોવા છતાં, વાચકોની માંગણીને સ્વીકારી આગલી આવૃતિમાં રહી ગયેલી ક્ષતિઓ સુધારવાનો અને આવશ્યક ફેરફારો કરવાનો શક્ય તેટલો પ્રયાસ આ આવૃતિમાં કર્યાં છે. ખૂબ જ સમય અને શક્તિ માંગી લે એવા આ કપરા કાર્યમાં સહુના સહકારથી બીજી આવૃતિ પ્રસિદ્ધ કરવા અમે હામ ભીડી છે. શ્રી જીતેન્દ્રભાઈ દેઢીયાના સહકારથી ફરી આ પુસ્તક આપની સમક્ષ મુકવાની તક સાંપડી છે એનો અમને આનંદ છે.
પ્રકાશન ક્ષેત્રે જેમનો સતત સહકાર મળ્યો છે એવા શ્રી કલ્યાણજીભાઈ અને શ્રી મહેન્દ્રભાઇ (સ્ટુડન્ટસ્ એજન્સીઝ)ની જહેમતે આ કાર્યને ગતિ બક્ષી છે તે કેમ ભૂલાય ?
યાત્રા પ્રવાસમાં રસ અને રૂચિ ધરાવતાં સહુને “તારે તે તીર્થ'' ભોમિયો બની માગદર્શન આપશે એવી આશા સાથે વિરમતાં...
પન્નાલાલ ખીમજી છેડા
પર્વ: રક્ષાબંધન ૨૦૪૬
૬ ઓગષ્ટ ૧૯૯૦
છેડા જ્વેલરી માર્ટ, ૪૦/૪૨ ધનજી સ્ટ્રીટ, મુંબઇ-૪૦૦૩.
th
| SR No. | 009222 |
| Book Title | Tare Te Tirth |
| Original Sutra Author | N/A |
| Author | Jitendra T Dedhia |
| Publisher | Mahendra Kanji Gosar |
| Publication Year | |
| Total Pages | 126 |
| Language | Gujarati |
| Classification | Book_Gujarati |
| File Size | 4 MB |