Tare Te Tirth

SR No.: 009222
Original Sutra Author: N/A
Author: Jitendra T Dedhia
Publisher: Mahendra Kanji Gosar
Total Pages: 126
Language: Gujarati
Classification: Book_Gujarati
File Size: 4 MB

Page 28

જરૂર જોવા જેવા છે. આ ઉપરાંત કેશરિયાજીનું, કાચનું વગેરે ઘણાં ભવ્ય દેરાસરો છે. અહીં શાન્તિપૂર્વક અભ્યાસ કરીને દર્શન કરતાં ઘણું જાણવા મળે એવું છે.
ગામમાં અનેક ધર્મશાળાઓ અને ભોજનશાળાઓ છે. ભાવનગરથી ૪૮ કિ.મી. શિહોરથી ૨૯ કિ.મી.ના અંતરે છે. આ તીર્થનો ઘણો જ મહિમા છે.
પાલીતાણાથી શિહોર માર્ગે સોનગઢ ગામે દિગમ્બર સંપ્રદાયનું શ્રી કાનજીસ્વામી સંપ્રદાયનું રમણીય સ્થળ આવેલ છે. દર્શન જરૂર કરવા જેવાં છે.
એ જ માર્ગ પર પાલીતાણા નજીક પિપરિયાળા ગામે રોડ પર કીર્તિમંદિરનું નિર્માણ થઇ રહ્યું છે. સુંદર જિનાલય, ધર્મશાળા, ભોજનશાળા વગેરે છે.
૩૨. શ્રી કદમ્બગિરિ તીર્થ મૂળનાયક: શ્રી આદીશ્વર ભગવાન, શ્વેત વર્ણ, પદ્માસનસ્થ. તીર્થસ્થળ :
આ સ્થળ શેત્રુંજય તીર્થની પંચતીર્થીમાંનું એક છે. પ્રાચીનતાનો સંબંધ શ્રી શત્રુંજ્ય ગિરિરાજ સાથે છે. ગઇ ચોવીસીના દ્વિતીય તીર્થંકર શ્રી નિર્વાણી પ્રભુના ગણધર શ્રી કદમ્બ મુનિ અનેક મુનિઓ સહિત અહીંથી મોક્ષ પામ્યા હતા. મુખ્ય દેરાસરની બાજુમાં બીજાં બે, નેમિનાથ ભગવાન અને સીમંધર સ્વામીનાં દેરાસર છે. એક બીજા દેરાસરના ભંડારમાં હજારો નાનીમોટી કલાપૂર્ણ પ્રતિમાઓનાં દર્શન થાય છે. પાલીતાણાથી ૧૯, ભંડારિયાથી ૮ અને બોદાનોનેસથી ૪ કિ.મી. છે. ધર્મશાળા અને ભોજનશાળાની સગવડ છે. પહાડનું ચઢાણ આર્ધા એક કલાકનું છે.
૩૩. શ્રી હસ્તગિરિ તીર્થ
મૂળનાયક: શ્રી આદીશ્વર ભગવાનની ચરણપાદુકા, પીરોજી વર્ણ.
તીર્થસ્થળ : કહેવાય છે કે આદીશ્વર ભગવાનના જ્યેષ્ઠ પુત્ર ભરત ચક્રવતી અહીં મોક્ષ પામેલ. એમના હાથી અનશન કરી અહીં સ્વર્ગે સિધાવેલ એથી આ પર્વત હસ્તગિરિ કહેવાય છે. શાંત અને રમણીય આ સ્થળ પવિત્ર સાધના માટે અનુપમ છે. પાલીતાણાથી ૧૬ કિ.મી. છે. જાળિયા (અમરાજી) થઇને આવી શકાય છે. ભોજનશાળાની સગવડ છે.
૩૪. શ્રી તાલધ્વજગિરિ તીર્થ (તળાજા) મૂળનાયક શ્રી સાચા સુમતિનાથ ભગવાન, શ્યામ વર્ણ, પદ્માસનસ્થ. નીર્થસ્થળ :
આ તીર્થ શ્રી શેત્રુંજ્ય તીર્થની પંચતીર્થીનું એક સ્થળ ગણાય છે. આ પ્રતિમાજી વિ. સં. ૧૮૭૨માં ભૂગર્ભમાંથી પ્રગટ થયા બાદ ગામના લોકોની રોગચાળા જેવી વ્યાધિઓ દૂર થતાં સાચા સુમતિનાથ તરીકે ઓળખાય છે. આ તીર્થના અંતિમ ઉદ્ધાર વખતે શરૂ થયેલી અખંડ જ્યોતમાંથી