Tare Te Tirth

SR No.: 009222
Original Sutra Author: N/A
Author: Jitendra T Dedhia
Publisher: Mahendra Kanji Gosar
Total Pages: 126
Language: Gujarati
Classification: Book_Gujarati
File Size: 4 MB

Page 26

૩૦. શ્રી શિયાણી તીર્થ
મૂળનાયક: શ્રી શાંતિનાથ ભગવાન, શ્વેત વર્ણ, પદ્માસનસ્થ. તીર્થસ્થળ :
આ તીર્થ ઘણું જ પ્રાચીન છે પણ ચોક્કસતા જાણવી મુશ્કેલ છે. કહેવાય છે કે પ્રતિમાજી સંપ્રતિ રાજા દ્વારા પ્રતિષ્ઠિત થયેલ છે. સુરેન્દ્રનગર જિલ્લાનું આ પ્રાચીનતમ તીર્થ ગણાય છે. નજીકનું શહેર લીંબડી ૧૩ કિ.મી. છે. ધર્મશાળા અને ભોજનશાળાની સગવડ છે.
૩૧. શ્રી શેત્રુંજય તીર્થ
મૂળનાયક: શ્રી આદીશ્વર ભગવાન, શાંત અને સુંદર, શ્વેત વર્ણ, પદ્માસનસ્થ, લગભગ ૭.
તીર્થસ્થળ: જૈન શાસ્ત્રો અનુસાર આ તીર્થને પ્રાય: શાશ્વત તીર્થ માનવામાં આવે છે. સદાયે આ તીર્થનો મહિમા અપાર રહ્યો છે. વર્તમાન ચોવીસીમાં ૨૩ તીર્થંકરોએ અહીં પદાર્પણ કરેલ છે. શ્રી આદીશ્વર ભગવાન અહીં નિયમિત પદાર્પણ કરતા અને ડુંગર ઉપરના રાયણના વૃક્ષ નીચે તપ-આરાધના પણ કરેલ છે. ભગવાન શ્રી આદીશ્વર પૂર્વ નવાણું વખત સિદ્ધાચલ ગિરિરાજ ઉપર પધાર્યા હતા એટલે આજે પણ નવાણું યાત્રાનો મહિમ
છે.
આ તીર્થની સુંદરતા, ભવ્યતા, વિશાળતા અને ખાસ તો અપરંપાર મહિમાનું વર્ણન શબ્દોથી કરવું મુશ્કેલ છે. બની શકે તો “શ્રી શત્રુંજ્ય તીર્થની ગૌરવગાથા.” લેખક શ્રી આ. વિજ્ય સદ્ગુણસૂરીનું પુસ્તક જરૂરથી વાંચવું. આ પુસ્તકમાં આ તીર્થનો વિસ્તારપૂર્ણ અભ્યાસ છે. સમુદ્રથી સારી એવી ઊંચાઇએ આવેલા આ સ્થળ ઉપર પહોંચવા વ્યવસ્થિત પગથિયાં બનાવેલ છે. સાધારણ રીતે સવા કલાક જેવો સમય ઉપર પહોંચતાં થાય છે. ડોળીનું સાધન પણ ઉપલબ્ધ છે. લગભગ ૮૦૦ જેટલાં શિખરબંધ દેરાસરો (નાનાં-મોટાં) અને લગભગ સત્તર હજાર પ્રતિમાઓનો અહીં ભંડાર છે. આ તીર્થના ૧૬ જીર્ણોદ્ધાર આ કાળમાં થયેલ છે. શાસ્ત્રો અનુસાર છઠ્ઠા આરામાં હજી એક જીર્ણોદ્ધાર થશે.
વર્તમાન અવસર્પિણી કાળમાં થયેલા ૧૬ ઉદ્ધાર નીચે પ્રમાણે છે .
૧. શ્રી આદીશ્વર ભગવાનના પુત્ર શ્રી ભરત ચક્રવર્તી ધારા.
૨. શ્રી દંડવીર્ય નામના રાજા દ્વારા.
૩. શ્રી પહેલા અને બીજા તીર્થંકરોની વચ્ચેના સમયમાં શ્રી ઇશનેન્દ્ર
દ્વારા.
૪. શ્રી મહેન્દ્ર ઇન્દ્ર દ્વારા.
૫. પાંચમા દેવલોકના ઇન્દ્ર દ્વારા.
૬. શ્રી ચમરેન્દ્ર દ્વારા.
૭. શ્રી અજીતનાથ ભગવાનના સમયમાં સગર ચક્રવર્તી દ્વારા.