Page Text
________________
0
છે. આ તીર્થ જોડે જોડાયેલ ક્યા પ્રમાણે શ્રી પાસીલ શ્રેષ્ઠીએ અહીં એક દેરાસરનું નિર્માણ શ્રી અંબિકાદેવીની આરાધના કરીને કરાવ્યું હતું. એક પ્રસંગે એમની ઉપેક્ષા થતાં આ નિર્માણ અપૂર્ણ જેવું રહ્યું અને પાસીલે દીર્ધ દૃષ્ટિ વાપરી ભગવાનની પ્રતિષ્ઠા કરાવડાવી. અહીંના દેરાસરોમાં ભવ્ય, વિશાળ, મહાકાય પ્રતિમાઓનાં દર્શન થાય છે. અહીંની છતોમાં બારીક શિલ્પકલા જોવાલાયક છે, જેમાં ભાવિચોવીસીના તીર્થંકરોનાં આતાપિતા, છત્રધર, વર્તમાન ચોવીસી, તેમનાં માતાપિતા, ચૌદ સ્વપ્ન, મેરુપર્વત અને ઇન્દ્ર દ્વારા જન્મ-અભિષેક, શ્રી શાન્તિનાથ ભગવાનનું સમવસરણ, શ્રી નેમીનાથ ભગવાનના પાંચ કલ્યાણક, શ્રી પાર્શ્વનાથ ભગવાન દ્વારા કર્મઠ યોગીને અહિંસાનો ઉપદેશ, શ્રી ધરણેન્દ્રદેવના ભગવાનને નમસ્કાર કરવા ઉપરાંત અનેક ભાવપૂર્ણ પ્રસંગો કોતરેલા છે. કલા ધ્યાનથી જોવા જેવી છે. નવી ધર્મશાળા બ્લૉક ટાઈપની છે. અંબાજીથી ૧ કિ.મી. છે. આબુથી ૨૮. કિ. મી. છે.
૧૯. શ્રી તારંગા તીર્થ
મૂળનાયક : શ્રી અજિતનાથ ભગવાન, શ્વેત વર્ણ, પદ્માસનસ્થ, લગભગ ૯. (શ્વેતાંબર દેરાસર)શ્રી આદીશ્વર ભગવાન દિગંબર દેરાસર.
તીર્થસ્થળ: શ્રી જૈનાચાર્ય પ્રભાવક શ્રી હેમચન્દ્રસુરીજી દ્વારા પ્રતિબોધિત ગુજરાતનરેશ શ્રી કુમારપાળ દ્વારા આ તીર્થનું વિક્રમસંવતની બારમી સદીમાં નિર્માણ થયેલ છે. આ ઉપરાંત અહીં દિગંબર દેરાસર અને વિક્રમસંવતની પહેલી સદીમાં શ્રી સિધ્ધાયિકાદેવીનું દેરાસર નિર્માણ થયું હોવાનો ઇતિહાસ છે. હાલના શ્વેતાંબર દેરાસરનાં શિખરોની ઊંચાઇ, કલા, વિશાળ રંગમંડપ વગેરે જોવા લાયક છે. એક જૂની લોકવાયકા પ્રમાણે “આબુની કોતરણી, રાણકપુરની બાંધણી, તારંગાની ઊંચાઇ અને શેત્રુંજયનો મહિમા” આ ચીજોની જોડી મળવી મુશ્કેલ છે. આ શ્વેતાંબર દેરાસરની દક્ષિણમાં કોટીશિલા નામક સ્થળ છે જ્યાંથી અનેક મુનિગણો ઘોર તપસ્યા કરી મોક્ષે સિધાવ્યા છે. એક લોકવાયકા પ્રમાણે શ્રી કુમારપાળે ૩૨ માળના શિખરનું દેરાસર બંધાવ્યું હતું. કાળક્રમે જીર્ણોદ્ધાર વખતે શિખરની ઊંચાઇ ઘટાડવામાં આવી હશે. શ્રી અજીતનાથ ભગવાનની આવી ભવ્ય અને વિશાળ મૂર્તિનાં દર્શન દુર્લભ છે. રહેવા અને જમવાની સગવડો છે. મહેસાણાથી ૭૨ કિ.મી., વિસનગરથી ૫૧ કિ.મી. ખેરાળુથી ૨૪ કિ.મી. અને તારંગાહિલથી ૫ કિ.મી. છે.
૨૦. શ્રી ખેડબ્રહ્મા તીર્થ
મૂળનાયક: શ્રી મહાવીર સ્વામી ભગવાન, કથ્થાઇ વર્ણ, પદ્માસનસ્થ. તીર્થસ્થળ :
આ તીર્થ ઘણું જ પ્રાચીન છે અને હાલનું દેરાસર લગભગ ૫૦ વર્ષ જૂનું છે. આ ઉપરાંત અહીં શ્રી આદીશ્વર ભગવાનનું દેરાસર છે.
| SR No. | 009222 |
| Book Title | Tare Te Tirth |
| Original Sutra Author | N/A |
| Author | Jitendra T Dedhia |
| Publisher | Mahendra Kanji Gosar |
| Publication Year | |
| Total Pages | 126 |
| Language | Gujarati |
| Classification | Book_Gujarati |
| File Size | 4 MB |