Page Text
________________
૯૨
શ્રીપાળરાજા, શ્રી વિક્રમાદિત્ય રાજા તથા શ્રી સંપ્રતિ રાજા વગેરેના જીવનના મહત્ત્વપૂર્ણ ઘટનાઓનાં પટસ્થાનો જોવાલાયક છે. બાજુમાં શ્રી આદીશ્વર ભગવાનનું મંદિર છે. રહેવા ધર્મશાળા છે.
૪. શ્રી દહીગાંવ તીર્થ મૂળનાયક: શ્રી મહાવીર સ્વામી, શ્યામ વર્ણ, પદ્માસનસ્થ.
તીર્થસ્થળ : દહીગામે, પંઢરપુર નજીક આવેલું આ સ્થળ લગભગ ૧૫૦ વર્ષ પૌરાણિક છે. પંઢરપુર ૬૫, સતારા ૧૩૦ કિ.મી.ના અંતરે છે. ધર્મશાળા છે. ૫. શ્રી કુંભોજગિરિ તીર્થ
મૂળનાયક : શ્રી જગવલ્લભ પાર્શ્વનાથ ભગવાન, શ્વેત વર્ણ, પદ્માસનસ્થ.
તીર્થસ્થળ : એક નાની ટેકરી ઉપર આવેલા આ તીર્થસ્થળની પ્રાચીનતાનો ખ્યાલ મળવો મુશ્કેલ છે. આ મંદિરનો જીર્ણોદ્ધાર વિ. સં. ૧૯૨૬માં થયેલ છે. ભોજનાલય તથા ધર્મશાળાની સગવડ છે. કોલ્હાપુર-મીરજ લાઇન ઉપર હાથ ંગડી ગામથી ૮ કિ.મી.ના અંતરે આવેલ છે.
૬. શ્રી બાહુબલી તીર્થ
મૂળનાયક: બાહુબલી ભગવાન, કાયોત્સર્ગ, લગભગ ૨૭ ફૂટ.
તીર્થસ્થળ : હાથકાંગડી નજીક આવેલું આ રમણીય સ્થળ છે. ભોજનાલય તથા
ધર્મશાળાની સગવડો છે.
૭. શ્રી ભદ્રાવતી તીર્થ
(ભાંડકજી)
મૂળનાયક: સ્વપ્નદેવ શ્રી કેશરિયા પાર્શ્વનાથજી, શ્યામ વર્ણ, અર્ધપદ્માસનસ્થ.
તીર્થસ્થળ: આ એક અતિ પ્રાચીન જૈન તીર્થ છે. સરકાર દ્વારા રક્ષિત પુરાતત્વ સ્મારક તરીકે જાહેર કરાયેલ છે. લગભગ ૮૦ વર્ષ પહેલાં શ્રી અંતરિક્ષ તીર્થના મૅનેજર ભાઈને સ્વપ્નમાં આ તીર્થનો ખ્યાલ આવી, શોધ કરતાં આ તીર્થસ્થાન મળી આવેલ છે. ઘણી જ રમણીય જગ્યા છે. આ તીર્થસ્થાને એક ચતુર્મુખ પ્રતિમાજી અત્યંત પ્રાચીન અને વિશિષ્ટ પ્રકારની શૈલીનાં છે. નજીકમાં બીજાં બે મંદિરો છે. આ તીર્થ ભાંડક ગામ નજીક અને ચન્દ્રપુરી-ચાંદા ગામથી ૩૨ કિ.મી.ના અંતરે છે, ભોજનશાળા તથા ધર્મશાળાની વ્યવસ્થા છે.
૮. શ્રી રામટેક તીર્થ
મૂળનાયક શ્રી શાન્તિનાથ ભગવાન, સોનેરી વર્ણ, લગભગ ૧૪ ફૂટ.
તીર્થસ્થળ : આ સ્થળ રામટેક ઉપરાંત અતિશય ક્ષેત્ર, રામગિરિ વગેરે નામોથી પણ પ્રસિદ્ધ છે. અહીંનો ઇતિહાસ શ્રી મુનિસુવ્રત સ્વામી ભગવાનના સમય જોડે સંકળાયેલ છે. આ ઉપરાંત અહી બીજાં આઠ મંદિરો છે. વિશાળ
| SR No. | 009222 |
| Book Title | Tare Te Tirth |
| Original Sutra Author | N/A |
| Author | Jitendra T Dedhia |
| Publisher | Mahendra Kanji Gosar |
| Publication Year | |
| Total Pages | 126 |
| Language | Gujarati |
| Classification | Book_Gujarati |
| File Size | 4 MB |