________________
૭૨
નવકાર સ્મરણ
શ્રી પંચમંગલ (નવકાર) સ્મરણ
વધારે ખરાબ સ્થિતિ દેખાય તો શ્રી પંચમંગલ (નવકાર) સંભળાવવો. સાવ છેલ્લી સ્થિતિ દેખાય તો માત્ર પ્રથમ સંપદા “નમો અરિહંતાણં” સંભળાવવું. નમો અરિહંતાણં કે નવકાર ધુન રૂપે બોલાય પણ ૐ (ઓમ્) ન લગાડવો. ઓછા માણસો હોય તો વારાફરતી નવકાર બોલવો જેથી કોઈને થાક ન લાગે. આરાધકને લાભ થાય.
બિમાર કે અંતિમ અવસ્થામાં પડેલને સમાધિ થાય તેવી સ્તુતિ, સ્તોત્ર, સ્તવન, સજ્ઝાય સંભળાવવા કે ગદ્ય સાહિત્ય સંભળાવવું.
બિમાર પાસે હાજર રહેલાએ શું કરવું ?
(૧) પોતપોતાની શક્તિ પ્રમાણે - ભાવના પ્રમાણે - પૂજા -પ્રતિક્રમણ સામાયિક મોન માળા વંદન વિ. કરવાનું કહેવું.
=
(૨) પોતાને જે કાંઈ અનર્થકારી વ્યસનો-ખોટી ટેવો હોય તે છોડવા જણાવવું. (૩) શક્તિ ભાવના પ્રમાણે સાત ક્ષેત્ર :
(૧) જિનમંદિર (૨) જિનમૂર્તિ (૩) જિનાગમ (૪) સાધુ (૫) સાધ્વી (૬) શ્રાવક (૭) શ્રાવિકા એ સાત ક્ષેત્રમાં તથા જીવદયા-અનુકંપામાં ધન વાપરવા જણાવવું.
બિમારની ઈચ્છા પુછી તે પ્રમાણે સત્કાર્યમાં ધન વાપરવા પ્રયત્ન કરવો. બિમાર પાસે હાજર રહેલાએ શું ન કરવું ?
(૧) બિમાર કે તેના સ્વજનોને દુઃખ લાગે તેવા કોઈ પ્રશ્નો પુછવા નહીં. (૨) બિમાર પાસે બેઠા કોઈની વાતો કરવી નહીં.
(૩) બિમાર કે તેને સંભાળનારને સલાહ સુચનો આપી ત્રાસ થાય તેવું કરવું નહીં. (૪) બિમાર કે તેને સંભાળનારને શાતા થાય તેમ કરવું પરંતુ ત્યાં છવાઈ જવાની અધમ વૃત્તિ-પ્રવૃત્તિ કરવી નહીં.
(૫) બિમારને સંભાળનારની ઈર્ષા કરવી નહીં કે તેના કામમાં ડખલ કરવી નહીં.
