________________
સુકૃત અનુમોદના
દુષ્ટ મનોયોગથી સાતમી નારકીના આયુષ્યના દળિયા ભેગા થવા છતાં શુભ મનોયોગમાં સ્થિર થઈ સર્વાર્થસિદ્ધ સુધી પહોંચી શુદ્ધ ભાવે ઘાતી કર્મો ખપાવી કેવળજ્ઞાન પામ્યા તે પ્રસન્નચંદ્ર રાજર્ષિની હું અનુમોદના કરૂં છું.
દ્રઢ ધ્યાને પંચમંગલ (નવકાર) જાપથી યોગી પાસેથી બચનાર શિવકુમાર (જંબૂ સ્વામિનો પૂર્વનો ભવ)ની પંચમંગલ શ્રદ્ધા-દ્રઢતાની હું અનુમોદના કરૂં છું. માત્ર ભાઈ પ્રત્યેની દાક્ષિણ્યતાથી દિક્ષા લઈને ભાઈના જીવતા સુધી પાળી તે ભાવદેવના દાક્ષિણ્યતાના ગુણની હું અનુમોદના કરૂં છું.
સ્ત્રીરાગથી દિક્ષા છોડવા તૈયાર થયેલ ભાવદેવને દિક્ષામાં સ્થિર કરનાર નાગિલા શ્રાવિકાના ચારિત્ર રાગની હું અનુમોદના કરૂં છું. સ્થીર થઈ પાછા ફરી સ્થિરતાથી ચારિત્ર પાળનાર ભાવદેવ (જંબુ સ્વામીનો પૂર્વનો ભવ) ની હું અનુમોદના કરૂં છું.
કર
છેલ્લા જંબુસ્વામિના ભવમાં આઠ સ્ત્રીઓને તથા તેમના અને પોતાના માતાપિતા તથા ૫૦૦ ચોરને પ્રતિબોધ કરી દિક્ષાના માર્ગે વાળનાર જંબુસ્વામિની હું અનુમોદના કરૂં છું... તેમની આઠ સ્ત્રીઓને પણ ધન્ય છે કે એક પણ દિવસ ભોગ નહીં ભોગવવા છતાં લગ્ન પછી તુરત શુદ્ધતાથી ચારિત્ર લઈને આત્મકલ્યાણ કર્યું.
સામાન્ય લાગતા ચાર નિયમ લઈને દ્રઢતાથી તેનું પાલન કરી આત્મ કલ્યાણ સાધનાર વંકચુલ ની નિયમની દ્રઢતાની હું અનુમોદના કરૂં છું.
દિક્ષાના દિવસે જ મરણાંત ઉપસર્ગ કરનાર પ્રત્યે ક્ષમાભાવ રાખી તે જ દિવસે કેવલજ્ઞાન-મોક્ષ પ્રાપ્ત કરનાર ગજસુકુમાલની હું વારંવાર અનુમોદના કરૂં છું.
એક જ દિવસનું ચારિત્ર-રાત્રિના શિયાલણી દ્વારા ભયંકર ઉપસર્ગ - પગથી ખાવાનું શરૂ કરી આખા શરીરને ફોલી ખાય છતાં શરીર તે હું નથી. એ પ્રમાણે આત્મભાવમાં રમતા દેવલોક ગયા તે ઉપસર્ગ સહન કરનાર અવંતિકુમાલની હું અનુમોદના કરૂં છું.
પૂર્વ ભવમાં ઉલ્લસીત પરિણામથી દીધેલ દાનના પ્રભાવે અનેક વખત મળેલી સામગ્રી છોડીને ચાલી નીકળે છતાં જ્યાં જાય ત્યાં સામેથી ધન મળે છેલ્લે બધું છોડી દિક્ષા-આત્મ કલ્યાણ. તે ધન્નાજીની દાન ભાવના તથા ત્યાગની હું અનુમોદના કરૂં છું.
નટડી રાગે ઘર છોડ્યું-દોરડા પર નોંધારો નાચે- દૂર મુનિ વહોરે છે તેની