________________
સમાધિ મરણ
૫૭
આવું બોલનાર નીચ ગોત્રકર્મ બાંધે. કારણ ? બીજાની પ્રશંસાની ઈર્ષા છે, પોતાની પ્રશંસાની લાલસા છે.. આવું બોલ્યા પછી વિચાર પણ કરતો નથી કે આ મારો દોષ છે... મિચ્છા મિ દુક્કડમ્ દેતો નથી કેમકે પોતાની ભૂલની ખબર
જ નથી.
-
કોઈ સંઘના વખાણ સાંભળતા તેની અનુમોદના થવી જોઈએ તેને બદલે પોતાના માનેલા સંઘની વાત કરવા માંડે તેની વાત સારી છે પરંતુ ભાવ ખરાબ છે. સ્વ પ્રશંસા છે. બીજા સંઘનું સારૂં બોલાય તે ગમતું નથી. નીચ ગોત્ર કર્મ બાંધે છે.
કોઈ સાધુના કોઈ ગુણની વાત સાંભળે ત્યારે અનુમોદના કરવી જોઈએ તેને બદલે તુરત પોતાના માનેલા સાધુના વખાણ શરૂ કરી દેશે ત્યારે તે સુકૃત અનુમોદના નથી પરંતુ સ્વપ્રશંસા છે જે નીચ ગોત્ર કર્મ બંધાવે. કેટલીક સુકૃત અનુમોદના
ત્રીજે ભવે ઉત્કૃષ્ટ ભાવથી જગતના બધા જીવોને સુખી બનાવવાની કે દુઃખમાંથી મુક્ત બનાવવાની ભાવનાથી તીર્થંકરનામકર્મ બાંધનાર જીવોના સુંદર ભાવની હું અનુમોદના કરૂં છું.... આ ભાવનાથી તીર્થંકરનામકર્મ બાંધીને તીર્થંકર બની જગત ઉપર જે ઉપકાર કરે છે તેની હું અનુમોદના કરૂં છું.
સિદ્ધ બનેલા જીવો કોઈને કશી તકલીફ આપતા નથી. પોતે સિદ્ધ થતા એક જીવને નિગોદમાંથી બહાર કાઢે છે તેની અનુમોદના કરૂં છું.
મને નિગોદમાંથી બહાર કાઢનાર સિદ્ધના જીવને વારંવાર હું બે હાથ જોડી માથું નમાવીને વંદન કરૂં છું.
ત્રણે કાળના જે જે આચાર્ય ભગવંતો પંચાચારને પોતે પાળે છે, બીજાને પળાવે છે તેની હું અનુમોદના કરૂં છું.
ત્રણે કાળના ઉપાધ્યાયો દ્વાદશાંગી ભણે-ભણાવે છે તેની હું અનુમોદના કરૂં
છું.
ત્રણે કાળના પૂ.સાધુ-સાધ્વી જે કાંઈ મોક્ષમાર્ગે આગળ વધારતી આરાધના કરે-કરાવે છે તેની હું અનુમોદના કરું છું.
ત્રણે કાળના દેશવિરતિધર શ્રાવક-શ્રાવિકાના દેશવિરતિપણાનું તથા સમકિતપણાનું હું અનુમોદન કરૂં છું.
