Page Text
________________
સમાધિ મરણ
૫૫
સાક્ષાત્ તીર્થકર વિચરતા હોય તેમની હાજરીમાં તેમના શિષ્યને મિથ્યાત્વનો ઉદય આવી શકે તો મતિ-શ્રુત જ્ઞાન પણ નહિવત્ છે એવા મને કે મારા શિષ્યોને કે મારું જમાવેલ શ્રાવકોનું ટોળું કાયમ માટે સમ્યત્વી એવું વિચારવું તે જ પાપનો ઉદય ગણાય. તેવું બોલવું, લખવું, સમજાવવું કેટલો સંસાર વધારે ? અનંત સંસાર વધારે તેમ પણ બને.
કોઈપણ ભવમાં મેં આવા ગુરૂ વચન (શાસ્ત્ર વચન) અવગણીને શ્રાવકોના ભાવપ્રાણ લુંટવારૂપ પ્રવૃત્તિ કરી, કરાવી કે અનુમોદી હોય તેનું મિચ્છા મિ દુક્કડમ્.
પરમ તારક શ્રી જિનેશ્વર દેવ પ્રત્યે મારી અને મારી પાસે આવનાર શ્રાવકોની ભક્તિ-બહુમાન-સમર્પિતતા વધારવાના બદલે શાસનના દેવ-દેવી પ્રત્યે ભક્તિબહુમાન સમર્પિતતા-જાણતા કે અજાણતા કર્યા, કરાવ્યા કે અનુમોદેલ હોય તેની હું માફી માંગું છું.
સાંસારીક પ્રતિકુળતા દૂર કરવા કે લાલસા પોષવા, શાસન દેવ-દેવી વીતરાગની બાધા લીધેલ હોય કે તેમની પૂજા-પૂજન કર્યા, કરાવ્યા કે અનુમોદેલ હોય તેનું મિચ્છા મિ દુક્કડમ્. તેની માફી માંગું છું.
પરમાત્માના શાસનમાં કોઈપણ પૂ. સાધુ-સાધ્વીને જોતાંની સાથે આનંદ થવો જોઈએ. “મન્થએ વંદામિ'' બે હાથ જોડી-માથું નમાવીને કહેવું જોઈએ. તેમ કરવાથી ઘણા કર્મની નિર્જરા થાય છે તે શાસ્ત્ર વચન-પરમગુરૂ વચન ઉપેક્ષીત કરેલ હોય તેની હું માફી માંગું છું.
તેને કારણે સામે મળેલ પૂ. સાધુ-સાધ્વીને “મર્થીએણ વંદામિ ન કીધેલ હોય, શાતામાં- શાતામાં એવું માયાથી પૂછેલ હોય, ગૃહસ્થોની માફક હાથ મિલાવ્યા હોય, મારા કરતા નાનાને હું શા માટે “મર્થીએણ વંદામિ” બોલું ? એ પહેલા ન બોલે તો મારે શા માટે બોલવું ? અથવા દેખાવ ખાતર બોલેલ હોઉં, સારા દેખાવા બોલેલ હોઉં, કપટથી-દ્વેષથી-લોભથી વંદન કરેલ, કરાવેલ કે અનુમોદન કરેલ હોય તેની હું માફી માંગું છું.
પૂ.ગુરૂ ભગવંતને હીણા ચીતરેલ હોય, તેમની વાતને તોડી પાડેલ હોય, તેઓ ઉપદેશ દેતા હોય તેમાં વચ્ચે હું ઉપદેશ દેવા લાગેલ હોઉં, તેમના કરતા હું વધારે જ્ઞાની છું - તપસ્વી છું – શુદ્ધ ક્રિયાકારક છું આવું દેખાડવાનો પ્રયત્ન કરેલ હોય.
| SR No. | 009213 |
| Book Title | Jivan Jagruti Yane Samadhi Maran |
| Original Sutra Author | N/A |
| Author | Hemant Hasmukhbhai Parikh |
| Publisher | Hemant Hasmukhbhai Parikh |
| Publication Year | 2015 |
| Total Pages | 176 |
| Language | Gujarati |
| Classification | Book_Gujarati |
| File Size | 1 MB |