________________
ચાર શરણા
વર્તમાન કાલે અમીર હોય કે ગરીબ હોય ગમે તે નાત-જાત-કોમ કે ધર્મને માનતો હોય. ધર્મસ્થાનકમાં જતો હોય કે ન જતો હોય,
બાહ્ય ધર્મક્રિયા કરતો હોય કે ન કરતો હોય, અરિહંત પરમાત્માએ બતાવેલ માર્ગનું હાર્દ સમજેલો હોય, રાગ-દ્વેષથી મુક્ત થવા વિચારતો હોય, જન્મ-મરણથી છુટવા વિચારતો હોય. તેવા જીવાત્મા સ્વ-પર આત્મકલ્યાણ કરનારા બને છે. તેવી વાણી વરસાવનાર અરિહંતનું મને શરણું હોજો.
((૨) સિદ્ધનું શરણું ) જેમનું અજ્ઞાન નાશ પામેલ છે તેવા સિદ્ધ ભગવંતનું શરણું હોજો.
જેમના દર્શનાવરણીય કર્મ સર્વથા નાશ પામેલ છે તેવા સિદ્ધ ભગવંતનું શરણું હોજો. - જેમનો મોહ સર્વથા નાશ પામેલ છે તેવા સિદ્ધ ભગવંતનું શરણું મને ભવોભવ હોજો.
જેમના અંતરાય કર્મ સર્વથા નષ્ટ થયા છે તથા જે કોઈને અંતરાય કરતા નથી-આડા આવતા નથી. જેઓ કોઈની હિંસા કરતા નથી. જેઓ કોઈને દુઃખ દેતા નથી તેવા સિદ્ધ ભગવંતનું શરણું હોજો.
જેમને હવે કદી જન્મ ધારણ કરવાનો નથી. મતલબ જેમના વેદનીયઆયુષ્ય-નામ-ગોત્ર કર્મ નષ્ટ થઈ ગયા છે તેથી જન્મ નથી કે મરણ નથી એવા સર્વ કર્મ રહિત બની આત્મ સ્વરૂપમાં રહેનારા સિદ્ધનું મને શરણું હોજો.
જેનું સ્વરૂપ ઈન્દ્રિયોથી જાણી-ઓળખી શકાય તેવું નથી, જેના સુખને સમજાવવા ઉપમાઓ નથી, જેઓ લોકના અગ્રભાગે બિરાજે છે તેવા સિદ્ધ ભગવંતનું મને શરણું હોજો. મને નિગોદમાંથી બહાર કાઢનારા સિદ્ધના જીવને હું વારંવાર વંદન કરું છું.
( (૩) સાધુનું શરણું ) સત્ય સમજણ આપવા- અપાવવા દ્વારા જન્મ મરણથી છુટવા પ્રયત્નશીલ એવા સાધુનું મને શરણું હોજો.
