________________
3
પ્રસ્તાવના
ગણધર ભગવંતોએ રચેલા ‘લોગસ્સ’ અને ‘જયવીયરાય' સૂત્રમાં અરિહંત પરમાત્માની પૂજા, સ્તુતિ, સ્તવનાના ફળરૂપે સમાધિમરણ અને બોધિ(જિનશાસન)ની માંગણી કરવાની કહી છે.
જેમ ધનની બચત કરવાની ભાવનાથી પાછળની જિંદગીમાં લાભ થાય છે તેમ પુણ્યની બચતથી પછીના ભવમાં સતિનો લાભ થાય છે જીવન દરમિયાન પરભવનું આયુષ્ય કર્મ જો બંધાયું ન હોય તો મરણસમયે તો અવશ્ય બંધાય છે માટે મરણસમયે આધિ, વ્યાધિ, ઉપાધિથી પર થઈને સમાધિમાં સ્થિર થવાય તો અવશ્ય સદ્ગતિની પ્રાપ્તિ થાય છે.
જીવન દરમિયાન આવતા સંઘર્ષ સમયે જીવે સમાધાનવૃત્તિ અને સમતાભાવ કેળવ્યા હોય તો શારીરિક માંદગી વખતે કે મરણસમયે પણ સમાધિ ટકી શકે છે. આવી સમાધિની પ્રાપ્તિ અર્થે પ્રભુની આજ્ઞા પ્રમાણે પૂર્વાચાર્યોએ બતાવેલ વિધિનું પ્રસ્તુત પુસ્તકમાં સંકલન કરવામાં આવ્યું છે. આ વિધિ દ્વારા સમાધિમરણ પ્રાપ્ત થાય છે અને બીજા ભવમાં સદ્ગતિ તથા પરંપરાએ મોક્ષપદની પ્રાપ્તિ શક્ય બને છે.
પ્રસ્તુત પુસ્તકમાં દર્શાવેલ વિધિ ઉપરાંત આપણા પૂર્વાચાર્યો દ્વારા રચાયેલ સ્તવન, સજ્ઝાય, સ્તુતિઓ સાંભળવાથી પણ સમાધિ પ્રાપ્ત થઈ શકે છે.
કેટલાકનું જીવન પણ ઘણું પાપમય અને દુરાચારી હોઈ શકે છે છતાં અંતિમ સમયે વિધિસહિત એ પાપોને યાદ કરીને તેનું અંતરના ભાવોથી પ્રાયશ્ચિત કરે તો પણ તેને સદ્ગતિનો લાભ થઈ શકે છે એવું શાસ્ત્રમાં વિધાન છે તેથી પ્રસ્તુત પુસ્તક દરેક વ્યક્તિ વારંવાર વાંચે અને તે અંગે વિશેષ જાણકારી મેળવે તો મરણસમયે સમજપૂર્વક વિધિ કરવાથી સમાધિમરણ થઈ શકે છે.
છેલ્લા કેટલાક વખતથી મોટાભાગના વ્યક્તિઓના મરણ હોસ્પિટલમાં થતા જોવા મળે છે. આ અંગે દર્દીના સ્નેહીજનોએ વિચારવું જરૂરી છે. જો દર્દીને વ્યાધિથી બચવાની શક્યતા ૯૯% ન હોય તેવું ડોક્ટર તરફથી જાણવા મળે તો દર્દીને ઘરે લાવીને તેની સભાન અવસ્થામાં સંપૂર્ણ વિધિ કરાવવામાં આવે અથવા નવકારમંત્રની
