________________
૧૩૮
સમ્યકત્વ તથા વ્રતો
(૫) મેં જે કાંઈ ક્રોધ-માન-માયા-લોભને વશ થઈ મનમાં ખોટા વિચારો કર્યા
હોય, ખોટી વાણી બોલેલ હોઉં, કાયા થકી પરલોકને અહિતકારી પ્રવૃત્તિ
કરેલ હોય તે મારા દુષ્કતની હું નિંદા કરું છું, ગહ કરું . (૬) થોડું કે વધારે નહીં દીધેલું હોય તેનું મિચ્છા મિ દુક્કડમ્. (9) દેવ-તિર્યંચ-મનુષ્ય સંબંધી મૈથુન સેવન કરેલ હોય તેનું મિચ્છા મિ દુક્કડમ્. (૮) બાહ્ય-અત્યંતર પરિગ્રહ કર્યો હોય, જડ-ચેતનની મુર્છા કરી હોય તેનું
મિચ્છા મિ દુક્કડમ્. (૯) ચારે કષાયને વશ થઈને જે મન-વચન-કાયાથી કરેલ હોય તેનું મિચ્છા
મિ દુક્કડમ્. (૧૦) મેં જે રાગ-દ્વેષ વશ બનીને મન-વચન-કાયાથી દુષ્કૃત કર્યા, કરાવ્યા,
અનુમોદેલ હોય તેની હું માફી માંગું છું. (૧૧) મેં જે કાંઈ કલહ (ઝગડો) કર્યો, કરાવ્યો કે અનુમોદેલ હોય તેની હું માફી
માંગું છું. (૧૨) જાણતા કે અજાણતા મેં જે જુઠા આળ કોઈને દીધા, દેવડાવેલ હોય તેની
હું માફી માંગું છું. બીજા દ્વારા કહેવાયેલ જુઠા આળ મેં માન્યા, મનાવ્યા
તથા અનુમોદેલ હોય તેની હું માફી માંગું છું. (૧૩) મેં જે કાંઈ ચાડી-ચુગલી કરી, કરાવી અનુમોદેલ હોય તેની હું માફી માંગું છું. (૧૪) મનને ગમતા ભૌતીક-સાંસારિક કાંઈપણ બને તે દેખી-સાંભળીને રતિ
(આનંદ) અણગમતા દેખી-સાંભળીને અરતિ (શોક) કર્યા, કરાવ્યા,
અનુમોદેલ હોય તેની હું માફી માંગું છું. (૧૫) મેં જે બીજાની નિંદા કરી-કરાવી-અનુમોદેલ હોય તેમજ કપટપૂર્વક જુદું
બોલ્યા-બોલાવ્યા કે અનુમોદેલ હોય તેની હું માફી માંગું છું. (૧૬) કાન-આંખ-નાક-જીભ-ત્વચાના આનંદ કે શોકને વશ બનીને મેં મનથી
વચનથી કાયાથી જે કાંઈ દુષ્કૃત કરેલ હોય તેની હું નિંદા કરું છું. ગહ કરું છું.
જન્મ-મરણ કરતા છતી શક્તિએ દેશવિરતિ કે સર્વ વિરતિ ન લીધી તેમજ લઈને ખંડન-વિરાધન કરેલ હોય તેનું મિચ્છા મિ દુક્કડમ્
કોઈપણ ભવમાં મને જેવા વચનથી શાતા-શાંતિ મળી હોય. જેના વચન-લખાણ દ્વારા હું મારા અને બીજાનું આત્મહિત થાય તેવા માર્ગે