________________
૨
(૧૭) સહજાત્મરૂપી સેવ્ય ગુરુને વંદના જય જગત ત્રાતા, જગત ભ્રાતા, જન્મ હર જગદીશ્વરા; સુખ સર્વ કારણ, ધર્મ ધારણ, ધીર વીર મહેશ્વરા; અતિ કર્મ કંદન, ચિત્ત ચંદન, ચરણકમળ ચિત્ત ધરું; સહજાત્મરૂપી સેવ્ય ગુરુને વંદના વિધિએ કરું. આનંદસાગર, ચંદ્રનાગર, વૃંદ શ્રી સુખકંદ છો; ભવ ફંદ હારક, છંદ ધારક, સર્વ સદ્દગુણ ચંદ્ર છો; સુખકાર છો ભવપાર નહીં, કાંઈ સાર ચિત્તમાં હું ધરું; સહજાત્મરૂપી સેવ્ય ગુરુને વંદના વિધિએ કરું. વિકરાળ આ કળિકાળ કેરી, ફાળથી ભય પામતો; ગુરુ ચરણ કેરાં શરણ આવ્યો, ચિત્તમાં વિશ્રામતો; ગુરુ પૂરણ પ્રેમી કર ધરે, શીર એમ આશા આચરું, સહજાત્મરૂપી સેવ્ય ગુરુને વંદના વિધિએ કરું. કરી કોપ ચાર કષાય બાંધે, બંધ આશા પાસનો; અતિ માર મારે માર તેમાં, કામની અભિલાષનો; છો નિર્વિકારી પાસ રાખો, ભક્તિ હું દિલમાં ધરું; સહજાત્મરૂપી સેવ્ય ગુરુને વંદના વિધિએ કરું. નિજ ધામ ચંચળ, વિત્ત ચંચળ, ચિત્ત ચંચળ સર્વથી; હિત મિત્રને સુકલત્ર ચંચળ, જાય શું મુખથી કથી; સ્થિર એક સદગુરુ દેવ છો, એ ટેક અંતર આદરું; સહજાત્મરૂપી સેવ્ય ગુરુને વંદન વિધિએ કરું. ભવ મંડપે કરી પ્રીત, માયા સેજ સુન્દર પાથરી; ત્યાં નિત્ય સૂતો ગાઢ નિદ્રા, મોહની અતિ આચરી; જાગ્રત કરી ગુરુ રાજચંદ્રે, બોધદાન કર્યું શરૂ; સહજાત્મરૂપી સેવ્ય ગુરુને વંદના વિધિએ કરું.
૪
૫
૬
