________________
(૨૮૫) હોય તેહનો નાશ નહીં, નહી તે નહિ હોય, એક સમય તે સૌ સમય, ભેદ અવસ્થા જોય.”
• (બાબુનાં બંગલામાં પહેલે માળ) આથી ખાત્રી કરાવી આપી કે જ્ઞાનીઓની બધી વાતો પ્રમાણથી સિદ્ધ થાય તેવી છે.
પૂનાથી આવીને ૮૧-૮૨ માં ચર્ચા થયેલી :
શ્રીએ પૂછ્યું : શું પૂજાય ? – બધાએ જવાબ આપ્યો છેવટે ભાઈને પૂછ્યું ત્યારે તેમને કહ્યું :- ક્ષાયિક પૂજાય. શ્રીએ કહેલું :- મહાવીર આવે તો કોણે ઓળખે ?
અગાસ બોધ તા. ૧૯-૯-૩૩
પ્રશ્ન. હી :- શું કરવાનું રહી જાય છે ?
ઉત્તર. શ્રી. :- આત્માનું કરવાનું રહી જાય છે. આત્મા જેવાયો નથી. (પછી કહ્યું) કહીશું. કહેવાય નહી પણ કહ્યા વિના બને તેવું નથી. છે. આ બધું ખોટું છે, સ્વપ્ન છે. આ જે સંકલ્પ વિકલ્પ વિગેરે રૂપી વેપાર કરી રહ્યો છે તે જૂઠું છે.
આત્મા છે, અમુક નયે આત્મા કહેવાય પણ જડને આત્મા માની રહ્યો છે. આત્મા તો જ્ઞાનીએ જોયો છે.
આ બધી વાર્તા વંચાય છે. પોતાની મતિના પ્રમાણે પરિણમી જાય છે. આત્મા ક્યાં દેખાય છે ? મર્મની વાત છે. આત્મા દેખાવો જોઈએ.
બ્રહ્મદત્ત ચક્રવર્તીની વાત વંચાતાં-આ બધી પર્યાયની વાતો છે, તેમાં સારું ખોટું થયા કરે છે. કંઈ નથી. નિયાણાનું ફળ હોય છે. કંઈ નથી, ખરું તો આત્મા છે.
