________________
આ જીર્ણોદ્ધાર કાર્ય પૂર્ણ થયા પછી ઈ.સ. ૨૦૦૦ની સાલમાં વિનાશક ભૂકંપ આવ્યો તેમાં ઘણી દેરીઓ ક્ષત-વિક્ષત થઈ ગઈ. તેનો પુનઃ જીર્ણોદ્ધાર પણ તે પૂજયશ્રીની પ્રેરણાથી કરવામાં આવ્યો અને ત્યારે પણ કેટલાક ભાવિકોએ લાભ લીધો.
પૂજ્ય આચાર્ય ભગવંત શ્રીવિજયશીલચંદ્રસૂરીશ્વરજી મ.સા.ના અમારા શ્રીસંઘ ઉપર ખૂબ જ ઉપકારો છે અને આશીર્વાદ છે. તેમના માર્ગદર્શનમાં ઘણાં કાર્યો થયાં છે ને થાય છે. અમે પ્રાર્થના કરીએ છીએ કે તેમના માર્ગદર્શન તથા આશીર્વાદ અમારા સંઘ ઉપર સદાય રહે.
જગદ્ગુરુના આ સમાધિસ્થળ ઊના નગર તથા અગ્નિસંસ્કાર સ્થળ શાહબાગની યાત્રા-આરાધના ભારતભરના સંઘોમાં વધે, એનો મહિમા વધે ને તપાગચ્છની ખૂબ ખૂબ ઉન્નતિ થાય - એવી શાસનદેવને પ્રાર્થના.
લિ. શ્રી અજારા પાર્શ્વનાથ પંચતીર્થ જૈન પેઢી,
ઊના જૈન સંઘ, ઊના
