Page Text
________________
બાર પ્રકારની હિંસાઓ
૯૩
ભાડે આપે છે. જનરલ હોસ્પિટલમાં માનદ્ સેવા આપવા આવતા ડોક્ટરને તગડો દરદી દેખાઈ જાય એટલે તેને પ્રેમથી પસવારી દરદીના હાથમાં પ્રાઈવેટ ક્લિનિકનું વિઝિટીંગ કાર્ડ થમાવી દે છે. તેનાથી ઊલટું પ્રાઈવેટ ક્લીનિકોવાળાને દરદીને સારી પેઠે ખંખેરી લીધા પછી લાગે છે કે હવે આ ગોટલામાં રસ નથી એટલે કહે : ‘હવે ઊપડો જનરલ હોસ્પિટલમાં, તમે ત્યાં જ સાજા થશો.' જનરલ હોસ્પિટલવાળા કહે છે, ‘દર્દીને ઘરે લઈ જાવ, બચવાની આશા નથી' તો કેમ તમને ભજન ગાવા ડોક્ટર બનાવ્યા છે?
આપણી મેડિકલ કાઉન્સિલો પણ સાવ ફાલતું કામો કર્યા કરે છે. તેને ડોક્ટર શ્રીરામ લાગુ જાહેરખબરની ફિલ્મમાં કામ કરે છે એટલે તેમનું સર્ટિફિકેટ ખેંચી લેવામાં રસ છે.
મેડિકલ કોલેજમાં ભણતા છોકરાઓ સાહેબોને લાંચ આપીને પાસ થાય છે. તેમને શ્રદ્ધા હોય છે કે આપણે સ્ટેથોસ્કોપ લઈને બેસીશું ત્યારે આટલા તો બે દહાડામાં મારી ખાઈશું. મેડિકલનું ભણેલા છોકરાઓ ડૉક્ટર બન્યા પછી ગામડામાં ટ્રેનીંગ લેવા જવાની વાત આવે ત્યારે ફસકી જાય છે. સ૨કા૨ પણ મોળી પડે છે. નિયમ કરોને. છોકરાઓ ગામડાઓમાં શાના ના જાય? આખું મેડિકલતંત્ર ખાડે ગયું છે. ‘અપને પરાયે‘ સિરિયલમાં ડૉક્ટર કોર્ટમાં ખોટી જુબાની આપવા લાંચ લે છે. મહારાષ્ટ્રમાં ગર્ભ-પરીક્ષણ પર પ્રતિબંધ લાદ્યા પછી સ૨કા૨ને એ જ બીક છે. ડૉક્ટરો અને દર્દીઓ ખાનગીમાં સંપી જઈને નારીગર્ભને મારી નાખશે. ડૉક્ટરો કંઈ રોબોટ નથી. સાંભળ્યું છે કે રોબોટ બદમાશી નથી કરતા.
બધા ડૉક્ટરોએ સાઈઝની પાઘડી જોઈ પહેરી લેવાની જરૂર નથી, આંબાવાડીના એક ડૉક્ટર દવા લખી આપ્યા પછી દર્દીને રિએકશન આવે તો દવાની કંપનીને ફરિયાદ લખે છે. ગાંધીનગરના એક ખાનગી પ્રેક્ટિશનર ગરીબ દરદીઓની ફી માફ કરી દે છે. બધા ડૉક્ટરો ‘અમે સારા છીએ' એવી હોહા કરશે.
ડૉક્ટરો દર્દીઓને સાજા કરે છે કે માંદા? ગુજરાત સમાચાર, તા. ૨૮-૧-૮૯
એક પ્રશ્ન જે સૌ ગ્રાહકોને મૂંઝવે છે તે અંગે માર્ગદર્શન આપવામાં આવશે. જે મેડિકલ સારવાર આપતા ડૉક્ટરો દ્વારા ગ્રાહકોને સાજા કરવાને બદલે વધુ ને વધુ બીમાર બનાવવાના નુસખા શોધતા, ડીગ્રી લેતી વખતે સેવાના શપથ લેતા અને પ્રેકટીસ શરૂ કર્યા પછી વધુ ને વધુ ગ્રાહકોનું લોહી ચૂસતા આ શેતાનો વિશે જાણો ! ! !
| SR No. | 009163 |
| Book Title | Baar Prakarni Hinsao |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | 2009 |
| Total Pages | 192 |
| Language | Gujarati |
| Classification | Book_Gujarati |
| File Size | 1 MB |