Page Text
________________
બાર પ્રકારની હિંસાઓ
૯૧
પુસ્તક કરતાં પણ ભારે સ્ફોટક છે. એટલે સરકાર તે તેજાબી રિપોર્ટને પ્રસિદ્ધ કરતાં ભારે ગભરામણ અનુભવે છે. બીજાં તપાસપંચોની જેમ જજ લેન્ટિને ચકલાં નહોતાં ચૂંથ્યાં. તેમણે તો સ૨કા૨, તબીબો, જનરલ પ્રેકટીશનરો, ઈસ્પિાતાલો, કન્સલટો, કેમિસ્ટો તથા ફાર્માસ્યુટિકલ મલ્ટીનેશનલ કંપનીઓનું જ જબરદસ્ત ગઠબંધન ચાલે છે એ પકડી પાડયું છે. બખ્તાવર લેન્ટિને મહારાષ્ટ્રના જાહેર આરોગ્ય ખાતાના પ્રધાન ભાઈ સાવંતને ભરીઅદાલતમાં ધધડાવી નાખ્યા હતા કે, હું બીજા બધા જજોની જેમ પોપલાઈથી બેસી જઈશ એમ તમે મનતા હો તો તમે ખાંડ ખાવ છો. મારે તો કોઈ ચમનિયો-મગનિયો શું કે મહારાષ્ટ્ર સરકારના પ્રધાન શું, બધા જ સરખા. ઠક્કર-નટરાજન પંચે ફેરફેક્સની બાબતે ફીફાં ખાંડ્યાં છે. પણ જજ લેન્ટિને એકેએક ગુનેગારને સાણસામાં લીધેલા. તેમણે એક દવાની કંપનીના માલિક પાસે ઓકાવડાવ્યું હતું કે હું ફૂડ અને ડ્રગ્સ ડિપાર્ટમેન્ટના અધિકારીઓને દારૂ પાઉં છું અને એ લોકો માગે ત્યારે કોલગર્લ્સ હાજર કરું છું. લોકકથાના નાયક જેવા જજ બખ્તાવર લેન્ટિને શોધી કાઢ્યું કે, મહારાષ્ટ્રના ફૂડ એન્ડ ડ્રગ્સ ડિપાર્ટમેન્ટે તેના રજિસ્ટરમાં ૫૮૨ દવાઓને સબસ્ટાન્ડર્ડ ગણાવી હતી છતાં એ દવાઓ બજારમાં લહેરથી ફરતી હતી. આજે પણ મુંબઈગરો જે ગોળીઓ ગળે છે તે સબસ્ટાન્ડર્ડ છે. મહારાષ્ટ્રમાં ૨,૦૦૦ કરોડ રૂ.ની દવા દર વર્ષે વેચાય છે. એમાંથી માંડ ૧૦૦ કરોડની દવાઓ લેવા જેવી હોય છે.
મહારાષ્ટ્રની સરકાર જજ લેન્ટિનનો અહેવાલ રજૂ કરતાં બીએ છે. કારણ કે અહેવાલમાં તેમણે સાબિત કરી દીધું છે કે, ‘અલ્પના ફાર્મા પેક' નામની કંપની દવાની ફેક્ટરી નહોતી છતાં તે જે.જે. હોસ્પિટલને દવા સપ્લાય કરતી હતી. તેણે ટેન્ડર પણ નહોતું ભર્યું એ કંપનીએ ભાઈ સાવંતને લાંચ આપી એટલે તેમણે નિયમોને ઠેબે ચડાવી એ કંપનીને દવાઓ (મોત) સપ્લાય કરવાનો કોન્ટ્રાક્ટ આપ્યો. મહારાષ્ટ્રમાં અત્યારે ૨૫૦ જેટલી આવી ફાર્માસ્યુટિકલ કંપનીઓ બોગસ હોય છે. મુંબઈગરો અને અમદાવાદી લટકતી તલવાર નીચે જીવે છે. ૯૦ ટકા દવાઓ બોગસ છે. ૯૦ ટકા નાના રોગોમાં દવા લો તો રોગ પાંચ દિવસમાં મટે અને દવા ન લો તો ચાર દિવસમાં મટે છે. મુંબઈમાં જે ૫૮૨ દવાઓ સબસ્ટાન્ડર્ડ જાહેર કરાઈ છે તેમાંથી ૧૧૯ દવાઓ જીવનરક્ષક દવાઓ છે. એ બધી દવાઓ અત્યારે બજારમાં ફરે છે.
લાલચું ડોક્ટરોએ સ્ટિરોઈડ્ઝના ઈન્જેક્શનો આપી આપીને ટંકશાળ પાડી છે. સ્ટિરોઈડ્ઝનું હો૨મોનમાંથી સીધું ઉત્પાદન થાય છે. એ દવા વધુ વાપરવાથી આંધળા થઈ જવાય છે છતાં ડોક્ટરો અર્ધશિક્ષિત દરદીઓને આ દવા તાકાતનો ભંડાર છે
| SR No. | 009163 |
| Book Title | Baar Prakarni Hinsao |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | 2009 |
| Total Pages | 192 |
| Language | Gujarati |
| Classification | Book_Gujarati |
| File Size | 1 MB |