Page Text
________________
બાર પ્રકારની હિંસાઓ
અંગો કાઢી લેવા માગતા હતા. ડૉક્ટરોની એક આખી ગેંગ આવી રમત રમીને માનવીનાં અંગોનો રીતસર વેપાર કરે છે.
આનો અર્થ તો એવો પણ કરી શકાય કે જેમ હાથી જીવતો લાખનો અને મરેલો સવા લાખનો કહેવાય છે તે કહેવત હવે માનવીના શરીરને પણ લાગુ પાડી શકાય. માણસ જીવતો ચાંદીનો અને મરેલો સોનાનો. હવે નજીકના ભવિષ્યમાં આપણે એવું પણ સાંભળીશું કે મૃત્યુ પામેલા માનવીના શરીરની કિંમત જીવતા માણસના શરીર કરતાં અનેકગણી વધુ છે. આવી પરિસ્થિતિ ન ઊભી થાય તે માટે સરકારે અતિ કડક કાયદા બનાવવા જરૂરી છે. માનવીના શરીરનાં અંગોનો સેવાના કામમાં અને બીજા માનવીના જીવનને નવું જીવન આપવામાં થાય તે વધુ મહત્ત્વનું છે. હજી કાંઈ મોડું નથી થયું, જાગ્યા ત્યારથી સવાર ગણીને ભારત સરકારે માનવીના શરીરનાં અંગોનો વેપાર અટકાવવો જોઈએ, કડક કાયદા બનાવવા જોઈએ. તો જ વિજ્ઞાન આશીર્વાદરૂપ ગણાશે.
શું આ સત્ય હશે? ભારતમાં જીવતાં બાળકો કાપી
તેમનાં અંગોની વિદેશમાં નિકાસ થાય છે? ભૂખમરાને લીધે મા-બાપો બાળકોને વેચી દે છે :
હવે બાળકો માટેનું કતલખાનું? - બિહારની રાજધાની પટના અને દક્ષિણ ભારતના કેટલાક ભાગોમાં માસૂમ બાળકોને શાક સુધારતા હોય તેમ કાપી તેના હાથ, પગ, માથાને અલગ અલગ કરી વિદેશમાં હજારો રૂપિયાના બદલામાં તેની નિકાસ કરાય છે. હૈયું હચમચી ઊઠે તેવો આ અહેવાલ ઈંગ્લેન્ડના “સન્ડે સ્પોર્ટ' નામના અખબારે છાપ્યો છે. એનાથી દેશભરમાં અરેરાટી મચી ગઈ છે.
આ અખબારે છ ઓગસ્ટ ૧૯૮૯ના અંકમાં “હે પ્રભુ! એ અમારાં બાળકોની હત્યા કરી રહ્યો છે.” (ઓહ ગોડ, હી ઈઝ કિલિંગ અવર ચિલ્ડ્રન) શીર્ષક હેઠળ એક ખાસ અહેવાલ છાપ્યો છે. સાથે બે તસવીરો પણ છે. જેમાં એકમાં એક માણસના રૂપમાં શેતાન વાંકો વળી મોટા છૂરા વડે એક જીવતા બાળકની ગરદન કાપી રહ્યો છે, અને બીજી તસવીરમાં ગરદન કપાયા પછી બાળકનું શબ દેખાડાય છે.
અખબારમાં સ્પષ્ટ લખ્યું છે કે ભારતમાં જીવતાં બાળકો આ રીતે તેની લાશો જાપાનમાં વૈદકીય સંશોધન તેમજ તાલીમાર્થી ડોક્ટરોને શીખવવા નિકાસ કરાય
| SR No. | 009163 |
| Book Title | Baar Prakarni Hinsao |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | 2009 |
| Total Pages | 192 |
| Language | Gujarati |
| Classification | Book_Gujarati |
| File Size | 1 MB |