Baar Prakarni Hinsao

SR No.: 009163
Original Sutra Author: N/A
Author: Chandrashekharvijay
Publisher: Kamal Prakashan
Publication Year: 2009
Total Pages: 192
Language: Gujarati
Classification: Book_Gujarati
File Size: 1 MB

Page 67

બાર પ્રકારની હિંસાઓ
કેટલું ધન માદરેવતનમાં લઈ જઈ શક્યા નથી તેટલું બધું ધન આજે ખેંચી જાય છે. અને વધારામાં, દેશની પ્રજાને બધી રીતે બેહાલ, પાયમાલ કરતા રહે છે કે જેથી એક વાર ફરી તેઓનો વસતિવધારો ભારત વગેરે દેશનો કાયમી કબજો લઈ શકે.
પરસ્પરને લડાવી મારવાની નીતિમાં દુશ્મનીનો દેખાવ કરતાં રશિયા-અમેરિકાગોરાઓએ-ભારેથી ભારે સફળતા હાંસલ કરી છે.
દૂર બેઠાં રાજ કરવાની નીતિમાં પણ તેઓ સો ટકા સફળ થયા છે.
સંભવ છે કે ઈસ્લામી ઝનૂનથી અને હાથમાં તલવાર સાથે મુસ્લિમોએ અપનાવેલી હિંસક-નીતિમાં તેમને મળેલી નિષ્ફળતામાંથી ગોરાઓ એ ભેદી યોજનાને પસંદગી આપી હોય.
મુસ્લિમ શાસકો સ્થાનિક પ્રજાની ઉપર ચડી બેસીને તલવારથી જીવહિંસા કરતા ત્યારે ગોરા-શાસકો અનેક રીતે તે તે દેશની પ્રજાની સંસ્કૃતિહિંસા કરી રહ્યા છે. સંસ્કૃતિ એ તો જે તે દેશની જે તે પ્રજાની જીવાદોરી છે. તેનાથી જ તેમનું જીવન છે. જો તે જીવાદોરી કપાઈ જાય તો તેમનું જીવન ટકી શકે નહિ.
મુસ્લિમો, બીજાને તલવારે મારવા જતાં, પોતે પણ મર્યા.
ગોરાઓ આપસમાં લડાવતા રહે છે. બધાં ક્ષેત્રોમાં ખુવારી સર્જે છે અને પોતે જાણે કે દૂર રહીને તમાશો જોયા કરે છે. એ લોકો પ્રજામાં જાતિવિગ્રહ, જ્ઞાતિવિગ્રહ, ભાષાવિગ્રહ વગેરે સ્વરૂપ આંતરવિગ્રહો ઉત્પન્ન કરાવે છે. અકબર વગેરે મુસ્લિમ શાસકોના સમયમાં હિન્દુ અને મુસ્લિમ બન્ને જાતિઓ સંપીને રહેતી. શાસકો હિન્દુઓને સન્માનતા, તેમના ધર્મસિદ્ધાંતોને ઠેસ લાગી ન જાય તેની ભારે કાળજી કરતા. પણ ગોરાઓએ આ બે જાતિને પરસ્પર લડાવી મારી. તે પછી હિન્દુઓમાં જ હિન્દુ શીખને પરસ્પર લડાવી માર્યા. તે પછી – હવે– પછાત હિન્દુ અને સવર્ણહિન્દુઓને લડાવી મારવાનો - બે વચ્ચે ખૂનખાર હુલ્લડો કરાવવાનો તેમનો મનસૂબો છે; જેનાં પગરણ ગાંધીજીની નીતિઓ દ્વારા થઈ ચૂક્યાં છે. હાલની માંડલપંચની વાતો આ ખૂનખાર જંગની શરૂઆત કરવા માટેનો દુદુભિનો નાદ
- બિહારમાં તો “અજગર' AJGAR (આહીર, જાટ, જાદવ વગેરે) એક થઈને સવર્ણોને દૂર કરીને સમગ્ર ભારત ઉપર કબજો લેવા સજ્જ બન્યા છે. દલિત પેન્થરો, હરિજનો, નીઓ બોદ્ધો (વટલાએલા હિન્દુઓ) અનુસૂચિત જાતિઓ, જનજાતિઓ