________________
અર્પણ
આધ્યાત્મિક માર્ગે દોરનાર જીવન સંગીની
નિરૂને
સાર સંગ્રાહકની નજરે
ત્રૈલોચદીપક મહામંત્રાધિરાજ (શ્રી નવકારમંત્ર) ગ્રંથનો “સંક્ષિપ્ત સાર”...
પરમ પૂજ્ય પંન્યાસજી શ્રી ભદ્રંકરવિજયજી ગણિવર્ય રચિત ઉક્ત મહાગ્રંથમાં શ્રી ભદ્રંકરવિજયજી મ.સા. આપણી આગળ જ્ઞાનનો મહાસાગર ઠલવી દીધો છે. એમના મૌલિક ચિંતનની રત્નકણિકાઓ ગ્રંથના પાને પાને અદ્ભુત પ્રકાશથી આપણને સાચા માર્ગે દોરી રહી છે. એમના પટ્ટ શિષ્ય પરમ પૂજ્ય પં. પ્રવર શ્રી વજ્રસેનવિજયજી ગણિવર્યએ કરેલ આ ગ્રંથનું સંપાદન પણ અલૌકિક છે. એમના આ પ્રખર કાર્યનો જશ પણ સહજતાથી ગુરુ ભદ્રંકરવિજયજી મહારાજ સાહેબને આપવામાં તેમની નમ્રતાનું દર્શન આપણને થાય છે.
મંદ બુદ્ધિવાળા મને અને અજ્ઞાનના આવરણવાળા જીવને, આ અમૂલ્ય જ્ઞાનને કંઈક અંશે સમજવા અને યાદ રાખવામાં સુગમતા પડે તે માટે આ પુસ્તિકામાં થોડાક મુખ્ય વિચારો અને જ્યાં સરલ પડે ત્યાં ચાર્ટની રીતે વસ્તુઓ (પદાર્થો) ટુંકાણમાં યાદ રહે તેવો પ્રયાસ કર્યો છે.
આજનાં અત્યંત ગતિશીલ સમાજમાં લોકોને સમય અને રુચિની મંદતાને લીધે લગભગ ૬૦૦ પાનાનો ગ્રંથ વાંચવાની ઇચ્છા ન થાય તે સ્વાભાવિક છે. આ સમસ્યા નિવારવા અને કુતૂહલ વૃત્તિને સતેજ કરવા આ નમ્ર પ્રયાસ પ.પૂ. પં. પ્રવર શ્રી વજ્રસેનવિજયજી મ.સા.ની અનુમતિથી કર્યો છે.
દરેક શીર્ષકને મહાગ્રંથના પાના નંબર સાથે જોડીને વાચકને એ વસ્તુના વધુ ઊંડાણમાં લઈ જઈને પૂ.પં.મ.સા.ના જ્ઞાનનું અમૃત માણવાની સુલભતા પરિશિષ્ટ ૨માં કરવામાં આવી છે.
આ પુસ્તિકાના પહેલા પ્રકરણમાં રજૂ કરેલા ૧૧ પ્રશ્નોના
