Page Text
________________
પરમાત્મા પાર્શ્વનાથની સ્તુતિ કરનાર... પરમાત્માનું સ્મરણ કરનારે જીવનમાં અનેક અનેક પ્રકારના અનુભવો અને અનુભૂતિઓ કરી છે અને પરમાત્માની આવી મહાપ્રભાવક સ્તુતિ અને એની સાચી સમજ આપનાર પૂ. ગુરુદેવ પ્રત્યે ઉપકારભાવ પ્રગટ કર્યો છે...!
ત્યારે પૂ. ગુરુદેવ સમજાવે છે કે એની પાછળ પણ વૈજ્ઞાનિક કારણ અને તર્ક રહેલાં છે. જ્યારે કોઇ પણ સિધ્ધ પુરુષ કે સદ્ગુરુ પાસેથી માળા કે સ્તોત્ર ગ્રહણ કરો ત્યારે તેમાં સિધ્ધપુરુષ કે સદ્ગુરુની સાધના શક્તિ... એમનાં શુભ ભાવ અને એમના શુકલ પરમાણુઓ ભળેલા હોય... એ શુભ ભાવો... એમની સાધનાની શક્તિના કારણે આપણાંમાં રહેલાં અશુભ ભાવોને દૂર કરી દે... એમનાં પોઝીટીવ વાઇબ્રેશન્સ આપણી નેગેટીવીટીને દૂર કરી દે... આપણા ભાવો જ્યારે શુભ થવા લાગે ત્યારે આપણા વિચારો પણ શુધ્ધ અને પોઝીટીવ થવા લાગે... એટલે ઓટોમેટીક આપણો એટીટ્યુડ પણ પોઝીટીવ થઇ જાય... દ્દષ્ટિ નિર્મળ થઇ જાય.
‘જેવી દૃષ્ટિ તેવી સૃષ્ટિ’ના નિયમાનુસાર નિર્મળ થયેલી દ્દષ્ટિમાં કયાંય કોઇની મલિનતા... દોષ કે દ્વેષ ભાવ ન દેખાય... તો પછી રાગ, દ્વેષ, ઇર્ષ્યા, અદેખાઇનું તો કયાંય સ્થાન જ ન હોય ને...!!
શુભ ભાવ અને શુભ વિચારો એટલે ગુડ લક. લકનાં કારણે મહાપ્રભાવક એવો શ્રી ઉવસગ્ગહરં સ્તોત્ર અને એ સિધ્ધના સાધક સદ્ગુરુદેવ મળ્યાં... અને એમના દ્વારા સ્તોત્ર ગ્રહણ કરી જપસાધના કરી એટલે લક ગુડ લક બની ગયાં.
પૂ. ગુરુદેવના શ્રીમુખેથી સ્તોત્ર ગ્રહણ કરતી વખતે જો આંખોમાં એ સ્તોત્ર માટે અને પરમાત્માની ભક્તિ માટે ખાસ હોય... પરમાત્મા વિશે જિજ્ઞાસા હોય... સાંભળવાની તાલાવેલી હોય, સમજવાની શક્તિ હોય અને એ સ્વીકારવા માટે મન તૈયાર હોય ત્યાર પછી જે સાધના આરાધના થાય એ ગુરુકૃપાએ અવશ્ય અનુભૂતિ કરાવનારી જ હોય...!
ટૂંકમાં, શ્રી ઉવસગ્ગહરં સ્તોત્ર એ આપણી ઓરાને શુધ્ધ કરનાર, આપણા લકને ગુડ લકમાં ચેન્જ કરનાર, આપણા અશુભ કર્મોનું સંક્રમણ કરનાર, આપણા આત્માને પરમાત્મા બનવાની દિશા તરફ લઇ જનાર, મેજીકલ ડીવાઇન પાવર છે, જેની ડીવીનીટીને હજારો શ્રધ્ધાળુઓએ અનુભવી છે...
| SR No. | 009086 |
| Book Title | Uvasaggahara Stotra Guj |
| Original Sutra Author | N/A |
| Author | Namramuni |
| Publisher | Parasdham Mumbai |
| Publication Year | 2011 |
| Total Pages | 50 |
| Language | Gujarati |
| Classification | Book_Gujarati |
| File Size | 8 MB |