________________
ત્રીજું પદ
આ પદ “હસ્તિ ગતિ” થી બોલવાનું છે. હસ્તિ એટલે હાથી. હાથી જેમ ધીમે ધીમે સ્થિરતાપૂર્વક એક જ ગતિથી ચાલે તેમ એક જ તાલમાં એક એક શબ્દનો ધ્વનિ નીકળવો જોઇએ. કોઇની ગણના પણ નહીં અને કોઇની અવગણના પણ નહીં! ચોથું પદ
આ પદ સર્પગતિથી બોલવાનાં હોય છે. સર્પ જેમ એક સમાન એક સરખા લયથી સરકે છે તેમ સ્તોત્રના એક એક અક્ષર અંતરમાંથી લયબધ્ધ નીકળવા જોઇએ. આ લયતા જ લીનતા અપાવે છે!
સુવિધીપૂર્વક બોલાયેલા ધ્વનિની અસર માનસ ઉપર થાય છે અને તેના તરંગોની અસર આખા શરીર ઉપર થાય છે.
“આ સ્તોત્ર પરમાત્મા તરફ લઇ જતી પગદંડી છે!”
સ્તુતિના સૂરો આત્માને ભીંજવવાનું કાર્ય કરે છે ! પરમાત્માની આ સ્તુતિ.. મહાપ્રભાવક શ્રી ઉવસગ્ગહર સ્તોત્ર
ગમે તે વ્યકિત, ગમે ત્યારે, ગમે તે સ્થાને, ગમે તેવી પરિસ્થિતિમાં બોલી શકે છે.
