________________
બની, ભદ્રબાહુસ્વામીને સજા થઈ શકે તેવા દોષને શોધવા લાગ્યા.
તે સમય રાજાને ઘેર રાજપુત્ર યુવરાજનો જન્મ થયો. નગરમાં રાજપરિવારમાં આનંદ અને ઉત્સાહનું મોજુ ફરી વળ્યું. રાજપુરોહિતે કુંવરની જન્મકુંડળી બનાવી અને ૧૦૦ વર્ષનું આયુષ્ય બતાવ્યું. નગરના નરનારીઓ રાજકુંવરનું મોઢું જોવા આવે તો, કોઈ કનૈયા કુંવરને વધાવવા આવે છે, તેમ દરેક ધર્મના ધર્મગુરુઓ યુવરાજને આશીર્વાદ પાઠવવા આવી ગયાં. ન આવ્યા એક જૈનાચાર્ય ભદ્રબાહુસ્વામી ! આ વાતની નોંધ
વરાહમિહિરે કરી અને સમય મળ્યે રાજાના કાન ભંભેર્યા. ‘નગરમાં સ્થિત સર્વધર્મના વડા રાજકુંવરને આશીર્વાદ આપવા આવી ગયાં પણ એક જૈન ધર્મના વડા નથી આવ્યા. તેઓ બાળક તથા રાજ્યનું કલ્યાણ ઇચ્છતા નથી તેથી જ દરબારમાં આવ્યા નથી.’ વરાદહમિહિરે રાજાના મનમાં એક ચિનગારી મૂકી દીધી. રાજા વિચારવા લાગ્યા રાજપુરોહિતની વાત તો સાચી છે, આ તો મહા અપરાધ કહેવાય. દંડને પાત્ર ગણાય. જૈનાચાર્યનું ન આવવાનું કારણ જાણ્યા પહેલાં દંડ આપવો ઉચિત નથી. મંત્રીને ભદ્રબાહુસ્વામી પાસે મોકલ્યા. મંત્રીએ રાજકુંવરને આશીર્વાદ ન આપવાનું કારણ પૂછ્યું. ભદ્રબાહુસ્વામીએ પ્રત્યુત્તર આપતા કહ્યું કે અમે જગતના સર્વ પ્રાણીઓનું કલ્યાણ જ ઇચ્છીએ છીએ. રાજકુંવર કે રાજ્યનું કલ્યાણ ન ઈચ્છવાની કોઈ વાત જ નથી. પણ બાળકનું સાત દિવસ પછી મૃત્યું થવાનું છે તો આશીર્વાદ દેવા કેવી રીતે આપીએ ?
ભદ્રબાહુસ્વામીએ શાસન પર આવનાર આંધીને જોઈ પોતાના જ્ઞાનનો ઉપયોગ
www.eainism.com
7
