Page Text
________________
Shri Mahavir Jain Aradhana Kendra
www.kobatirth.org
ભવ્ય દબદબા સાથે રાજા શંખે સેનકુમારનો નગરપ્રવેશ કરાવ્યો. રાજપુરની પ્રજાએ કામદેવ જેવા રૂપવાન સેનકુમારને જોઈ, રાજકુમારી શાન્તિમતીને લાખ લાખ ધન્યવાદ આપ્યા, રાજા શંખ પણ સેનકુમારને જોઈને પ્રસન્ન થઈ ગયા.
જાનના ઉતારા માટે એક મહેલને શણગારવામાં આવ્યો હતો. બધી જ સગવડતાઓ કરવામાં આવી હતી. જાનને ત્યાં ઉતારો આપવામાં આવ્યો. શંખરાજાએ ચંપાના મહામંત્રીને કહ્યું: ‘આપ ખૂબ દૂરથી પધાર્યા છો. ત્રણ દિવસ નિરાંતે આરામ કરો. ત્રીજા દિવસે સંધ્યાસમયે લગ્નવેળા છે. અહીં કોઈ સંકોચ ના રાખશો.'
Acharya Shri Kailassagarsuri Gyanmandir
મહારાજા શંખે ખડે પગે રહીને, જાનની આગતા સ્વાગતા કરી. રાજપરિવારે પણ જાનને જરાય ઓછું આવવા દીધું નહીં.
શાન્તિમતી તો સખીઓથી સતત ઘેરાયેલી રહી, રાજપરિવારની સ્ત્રીઓ અને શ્રેષ્ઠીવર્ગની સ્ત્રીઓ શાન્તિમતી આગળ સેનકુમારની પ્રશંસા કરવા લાગી. એના ભાગ્યનાં ભરપૂર ગુણગાન કરવા લાગી.
આખું રાજપુર હર્ષના હિલોળે ચઢ્યું હતું. દિવસભર જાનના ઉતારે વાજિંત્રો વાગી રહ્યાં હતાં. નગરમાં સામૂહિક નૃત્યો થવા લાગ્યાં. રાજપરિવાર પ્રત્યે નગરજનોનો અદ્ભુત સદ્ભાવ જોઈને, જાનનો એક એક પુરુષ પ્રશંસાનાં પુષ્પો વેરવા લાગ્યો હતો.
ત્રણ દિવસ સ્વપ્નની જેમ પૂરા થઈ ગયા. સંધ્યાના સમયે વિવાહમંડપમાં જવા માટે જાને પ્રયાણ કર્યું. દેવવિમાન જેવી શિબિકામાં, શણગારેલા સેનકુમારને બેસાડવામાં આવ્યો હતો. શિબિકાની સાથે જ અશ્વ પર પ્રીતિમસિંહ ચાલી રહ્યો હતો. વાજિંત્રોનો નાદ રાજપુરને ગજવી રહ્યો હતો. સુવર્ણદંડવાળી ધજાઓ હાથમાં લઈ, યુવાનો રાજમાર્ગો પર નૃત્ય કરતા હતા. ચારણો મંગળ-ગીત ગાતા હતા. રંગબેરંગી વસ્ત્રો ધારણ કરી, નૃત્ય કરતી ગણિકાઓ ચાલી રહી હતી. ઉત્સાહ, ઉમંગ અને ઉલ્લાસથી રાજપુર ધમધમી રહ્યું હતું.
१०४०
સેનકુમાર જાન સાથે વિવાહમંડપમાં પહોંચ્યો. ત્યાં તેણે શાન્તિમતીને જોઈ. તે રાજકુમારીને ઉત્તમ વસ્ત્રોથી, વિવિધ વર્ણનાં પુષ્પોથી સોનાના હીરાજડિત આભૂષણોથી શણગારવામાં આવી હતી. અત્યંત ઝીણી દેવદુષ્ય સમાન સાડીના ઘૂમટામાંથી શાન્તિમતીનું રૂપ-લાવણ્યભરપૂર મુખારવિંદ કુમારે જોયું. શાન્તિમતીની આંખમાં પ્રેમનો સાગર ઘૂધવતો જોયો. સેનકુમારનાં હૃદયમાં પ્રેમનું તોફાન જાગ્યું. પૂર્વજન્મના સંસ્કારોને કારણે શાન્તિમતીનાં પ્રથમ દર્શને જ કુમાર સ્નેહપરવશ બની ગયો. તેણે વિચાર્યું: ‘આવું અનુપમ રૂપ મેં ક્યાંયે જોયું નથી. ખરેખર, અદ્ભુત રૂપ છે રાજકુમારીનું. રૂપની સાથે સાથે મુખ પર કેવી સૌમ્યતા છવાયેલી છે! સાચે જ મારા પુણ્યોદયની કોઈ સીમા નથી.
For Private And Personal Use Only
ભાગ-૩ * ભવ સાતમો
| SR No. | 008952 |
| Book Title | Samaraditya Mahakatha Part 3 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 491 |
| Language | Gujarati |
| Classification | Book_Gujarati & Literature |
| File Size | 14 MB |