Samaraditya Mahakatha Part 1

SR No.: 008950
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2007
Total Pages: 523
Language: Gujarati
Classification: Book_Gujarati & Literature
File Size: 15 MB

Page 509

મારા મનને શ્રી નવકારમંત્રમાં સ્થિર કરવું જોઈએ. પંચપરમેષ્ઠી ભગવંતોનું ધ્યાન કરવું જોઈએ...” તેઓએ પોતાના ચિત્તમાં નવકારમંત્રનું સ્મરણ ચાલુ કર્યું..
૦ ૦ ૦. યુવાન મુનિ.. શિખકુમાર પ્રત્યે અત્યંત પ્રેમ, શ્રદ્ધા... અને ભક્તિ ધરાવતો યુવા મુનિ કાળો કલ્પાંત કરતો... જાલિની તરફ ઘોર આક્રોશ કરતો નગર તરફ દોડ્યો.. દોડતો જાય છે... ને બૂમો પાડતો જાય છે... “દોડો દોડો.... દુષ્ટ જાલિનીએ પોતાના પુત્રને ઝેર આપી મારી નાંખ્યો.. શિખીકુમારને મારી નાંખ્યા.. દોડો દોડો.... કૌશામ્બીનાં
સ્ત્રી-પુરુષ... જાલિનીએ કૌશામ્બીને કાળું કલંક લગાડ્યું છે. કૌશામ્બીની શોભા હણી નાંખી છે... ઋષિહત્યાનું ઘોર પાપ કરી. આ નગરની અપકીર્તિ કરી છે...”
ઊભા બજારે, ઊભી શેરીએ. યુવાન મુનિ ચોધાર આંસુએ રોતો જાય છે... અને બોલતો જાય છે. જે કોઈ સ્ત્રી-પુરુષ સાંભળે છે, તે બધાં કામ પડતાં મૂકી.. મેઘવન ઉઘાન તરફ દોડવા માંડે છે.
યુવાન મુનિએ રાજમહેલમાં પ્રવેશ કરી બૂમો પાડવા માંડી : “હે રાજન, તારા નગરમાં ઋષિહત્યા થઈ છે... ને તું અહીં બેઠો છે? પાપી જલિનીએ કપટ કરીને શિખીકુમારને મારી નાંખ્યા છે... કૌશામ્બીની ધરતી પર ક્ષેત્રદેવતાના કોપ ઊતરશે... રાજા, બહાર નીકળ... તારા પ્રિય મુનિવર શિખીકુમારનાં છેલ્લાં દર્શન તો કરી લે..”
રાજા અજિતસેન હાંફળા-ફાંફળા મહેલની બહાર આવ્યા. યુવાન મુનિને પ્રણામ કર્યા. રાજા પહેર્યા અપડે... ખુલ્લા પગે મેઘવન તરફ દોડવા લાગ્યા... એમની પાછળ યુવાન મુનિ પણ દોડવા લાગ્યા...
મેઘવનમાં કાળું કલ્પાંત ચાલી રહ્યું હતું. શિખીકુમાર મુનિ પંચ પરમેષ્ઠી ભગવંતના ધ્યાનમાં લીન હતા. સમાધિમૃત્યુને આલિંગન આપી રહ્યા હતા.. તેમના મુખ પર સમતાની ચાદર પથરાયેલી હતી. તેમનું હૃદય રાગ-દ્વેષથી મુક્ત હતું. નશ્વર દેહ પડ્યો રહ્યો. ને તેમનો શાશ્વત આત્મા ઊર્ધ્વ ગતિ કરી ગયો.
૦ ૦ ૦ આકંદ.... રુદન... ઘોર વલોપાત.. જ્ઞાન-ધ્યાની અને તપસ્વી મુનિઓ રડી પડ્યા, શ્રી સમરાદિત્ય મહાકથા
૪૧