Samaraditya Mahakatha Part 1

SR No.: 008950
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2007
Total Pages: 523
Language: Gujarati
Classification: Book_Gujarati & Literature
File Size: 15 MB

Page 428

ત્રાજવાથી મેરુપર્વતને તોલવા જેવું આ શ્રમણજીવન છે. જ એકલાએ વિશાળ સેનાને જીતવા જેવું આ શ્રમણજીવન છે.
લક્ષ્યવેધ કરવા જેવું આ શ્રમણજીવન છે. માટે કુમાર, તું ગંભીરતાથી વિચાર કર. શ્રમણજીવન સ્વીકાર્યા પછી તને ક્યારેય એવો પસ્તાવો ના થવો જોઈએ કે “મેં આ શ્રમણજીવન ના લીધું હોત તો સાર થાત...' માટે બુદ્ધિશાળી મનુષ્ય ગંભીરતાથી વિચારીને જીવન-પરિવર્તન કરવું જોઈએ. જો કે તારી યોગ્યતા મને દેખાણી છે. તે દઢતાપૂર્વક શ્રમણજીવનનું પાલન કરી શકીશ... એમાં કોઈ શંકાને સ્થાન નથી.
શિખીકુમાર શાન્તિથી અને એકાગ્રતાથી આચાર્યની વાતો સાંભળતો રહ્યો. તેના મુખ પર પ્રસન્નતા પથરાઈ. શિખીકુમારે વિનયપૂર્વક કહ્યું :
ગુરુદેવ, જેમ નિર્બળ મનુષ્યો, સાર્થવાહના સથવારે વિકટ વનને ઓળંગી જાય છે, તેમ આપના સથવારે હું આપ ભીષણ ભવ-વનને ઓળંગી જઈશ.
ભગવંત, જેમ અબુધ અને અપંગ લોકો, વહાણના નિર્યામકના સહારે મહાસાગરને તરી જાય છે, તેમ હું આપના સહારે આ ભયાનક ભવસાગરને તરી જઈશ.
હે ઉપકારી, જેમ ગોવાળના સંરક્ષણમાં પશુઓ નિર્ભયતાથી જંગલમાં ચારો ચરે છે, તેમ આપના સંરક્ષણમાં હું નિર્ભયતાથી સંયમધર્મનું પાલન કરીશ.
હે હિતકારી, જે પુણ્યશાળી નથી તેને પવિત્ર કલ્યાણકારી બુદ્ધિ જનમતી નથી, કદાચ પુણ્યયોગે પવિત્ર બુદ્ધિ પ્રગટે, પરંતુ આપના જેવા સમગ્ર ગુણ સંપત્તિવાળા ગુરુ મળતા નથી! મારા કલ્પની અવધિ નથી ગુરુદેવ! મારું મન આપના ચરણોમાં આવવા તલસી રહ્યું છે. હું મન-વચન-કાયાથી આપને સમર્પિત થાઉં છું...!” શિખીકુમારની આંખો હર્ષના આંસુથી છલકાઈ ઊઠી. તેનો સ્વર આર્ટ થઈ ગયો... તેણે ગુરુદેવનાં ચરણોમાં પોતાનું મસ્તક મૂકી દીધું.
આચાર્યદેવે કહ્યું : “કુમાર, હું તારો સ્વીકાર કરું છું. પરંતુ તેને સાધુવેશ આપતાં પહેલાં હું તને કેટલાંક ધર્મસૂત્રોનું જ્ઞાન આપીશ. આવશ્યક ધર્મક્રિયાઓ સમજાવીશ.. થોડા દિવસ તને આ જ અવસ્થામાં મારી પાસે રાખીશ... પછી તને સાધુવેશ આપીશ...'
કૃતાર્થ થયો ભગવંત!' શિખકુમારે નતમસ્તકે વંદના કરી.
જે
રી
એક
00
ભાગ-૧ ભવ ત્રીજો