________________
Shri Mahavir Jain Aradhana Kendra
www.kobatirth.org
सव्वेसि साहूणं साहुकिरिअं सव्वेसिं सावगाणं मुक्खसाहणजोगे, सव्वेसिं देवाणं, सव्वेसिं जीवाणं होउकामाणं कल्लाणासयाणं मग्ग- साहणजोगे. होउ मे एसा अणुमोअणा, सम्मं विहिपुव्विआ, सम्म सुद्धासया, सम्मं पडिवत्तिरूवा सम्मं निरइयारा, परमगुण-जुत्तअरहंताइसामत्थओ, अचिन्तसत्तिजुत्ता हि ते भगवंतो वीअरागा सव्वण्णू परमकल्लाणा, परमकल्लाणहेऊ सत्ताणं.
मूढे अम्हि पावे, अणाइमोहवासिए, अणभिन्ने भावओ, हिआहिआणं अभिन्ने सिआ, अहिअनिवित्ते सिआ, हिअपवित्ते सिआ, आराहगे सिआ, उचिअपडिवत्तीए सव्वसत्ताणं सहियं ति इच्छामि सुकडं इच्छामि सुकडं, इच्छामि सुकडं.
एवमेअं सम्मं पढमाणस्स सुणमाणस्स अणुप्पेहमाणस्स सिढिलीभवंति परिहायंति खिज्जंति असुहकम्माणुबंधा, निरणुबंधे वाऽसुहकम्मे भग्गसामत्थे सुहपरिणामेणं कडगबद्धे विअ विसे, अप्पफले सिआ, सुहावणिज्जे सिआ, अपुणभावे सिआ.
,
,
१३६
Acharya Shri Kailassagarsuri Gyanmandir
For Private And Personal Use Only
