________________
હવનવિધાન અંગે પ્રાસ્તાવિક આ એક અત્યંત પવિત્ર, પ્રભાવશાળી અને ચમત્કારી વિધાન છે.
રોગ-શોકાદિનાશક, મનોવાંછિતપૂરક, ચિંતાચૂરક એવું આ વિધાન વર્ષ દરમ્યાન ગમે ત્યારે શુભ દિવસ જોઈને કરી શકાય છે.
ઘરમાં કોઈ પ્રકારની અશાંતિ હોય, દુષ્ટ વ્યંતરાદિકનો ઉપદ્રવ હોય, પરિવારમાં ઘણા સભ્યો વિના કારણે પરેશાન થતા હોય ત્યારે આ હવનવિધાન ખાસ કરવું જોઈએ.
કોઈ પણ વ્યક્તિની જન્મકુંડલીમાં વિષયોગ, નાગદોષ, પિતૃદોષ, કાળસર્પ યોગ, અકસ્માત યોગ અને અકાળવૈધવ્યના યોગો હોય તો પદ્માવતી માતાનું આ હવન કરવાથી ઉક્ત દોષોની શાંતિ થાય છે.
વિધાન અંગે જરૂરી સમજૂતી ૧. આ વિધાનમાં અનેક પુણ્યવાનો વારાફરતી બેસી શકે છે.
૨. દર સત્યાવીસ પૂજાઓ પત્યા પછી પૂજામાં બેસનારા પુણ્યવાનોને બદલાવી શકાય છે. ખાસ જરૂરત ઊભી થયે વચ્ચે પણ બદલાવી શકાય છે.
૩. ભગવતી પદ્માવતી પાસે ચાર વ્યક્તિએ બેસવું જોઈએ.
– એક વ્યક્તિ કેસરપૂજા કરે, એક સિક્કા પધરાવે, એક વાસક્ષેપપૂજા કરે અને એક ફૂલ ચડાવે.
૪. હવનકુંડ પાસે ત્રણ વ્યક્તિઓએ બેસવું જોઈએ. - એક વ્યક્તિ ઘી હોમે, એક ગુટિકા હોમે અને એક ચંદનાદિ પધરાવે.
૫. હવનની સામગ્રી પહેલેથી વ્યવસ્થિત તૈયાર રાખવી, છેલ્લી ઘડીએ “આ રહી ગયું અને તે રહી ગયું” એવી દોડાદોડ ન ચાલે. આ માટે આ પુસ્તિકામાં અન્યત્ર જુઓ.
૬. ઘરે હવન કરવો હોય તો તાંબાનો હવનકુંડ તૈયાર આવે છે તે નકરાથી લઈ આવવો, કારણ કે એ સિવાય ઈટોનો હવનકુંડ બનાવ્યો હોય તો છ મહિના સુધી તેને ઉત્થાપી શકાતો નથી.
૭. વિધિ દરમ્યાન જે કંઈ કરવાનું છે તે જે તે સ્થળે વિધિમાં દર્શાવ્યું છે. વિધિ વાંચતા જાઓ અને પૂજા કરતા જાઓ, એવી સરળ ભાષામાં પૂજાવિધાન આલેખવામાં આવ્યું છે.
ઉપકરણો અંગે ખાસ સૂચના હવનમાં વાસણ વગેરે દરેક સાધનો ચોખાં, ધોયેલાં, ચકચકિત, તૂટ્યા ફૂટ્યા વગરનાં અને ગોબા પડ્યા વગરનાં જ હોવાં જોઈએ. ધાર્મિક અનુષ્ઠાનોમાં રૂપિયાના ત્રણ
