________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
३४४
स्वदेशोद्धारकाः सन्तो ब्राह्मणाद्याःशुभङ्कराः सत्यराष्ट्रोचतेः कर्म-कारिणः स्वाधिकारतः ॥२२॥ देशराष्ट्रोनतेर्योगाद् भवेद् धर्मोन्नतिः शुभा धर्मोद्धाराय देशस्य, सेवा कार्या प्रतिक्षणम् ॥२३॥ कार्योनैव कदा द्वेषः, अन्यदेशेषु मानवैः स्वान्यदेशस्थभव्यैस्तु, धार्यमैक्यं परस्परम् ॥२४॥ स्वान्यदेशस्थलोकानां, रक्षा कार्या विवेकतः देशोद्धाराय यत्कर्म, तत्कार्यं सर्वशक्तितः ॥२५॥ सामाजिकव्यवस्थाभि देशसेवा मनीषिभिः कर्तव्या भिन्न देशानां, विश्वशान्तिकरा शुभा॥२६॥ सामाजिकबलस्यैक्यं, कृत्वोन्नतिप्रसाधकम् बाह्यान्तरं बलं धृत्वा, देशसेवा विधीयताम् ॥२७॥ देशोद्धाराय सद्भक्त्या, शीघ्रस्वदेशवासिभिः कृत्वा स्वात्मार्पण पूर्ण, वर्तितव्यं विशेषतः ॥२८॥ स्वजन्मभूमिसद्भक्तै मातृभाषापरागिभिः देशकालानुसारेण, वर्तितव्यं यथातथम् ॥२९॥ परस्परं च साहाय्यं, कर्तव्यं देशवासिभिः धर्मार्थमन्य देशानां, साहाय्य मुक्तिकारकम् ॥३०॥ स्वाश्रयिमंत्रतंत्रैश्च यन्त्रैरुत्क्रान्तिकारकैः परस्परं च साहाय्यं कर्तव्यं देशवासिभिः ॥३१॥ स्वदेशोत्कान्तये यत्तत्, वर्तते धर्मकारकम् सेव्यं तत्कर्म निष्काम-बुद्धया स्वदेशमानवैः ॥३२॥ सर्वोपायैःप्रकर्तव्यं, रक्षणं देशदेहिनाम् निरासक्त्या कृतं कर्म, नैव बंधाय जायते ॥३३॥
For Private And Personal Use Only
