Adhyatmik Bhajan Sangrah

SR No.: 008336
Original Sutra Author: N/A
Author: Saubhagyamal Jain
Publisher: Todarmal Granthamala Jaipur
Publication Year: 2006
Total Pages: 116
Language: Hindi
Classification: Book_Devnagari & Spiritual
File Size: 392 KB

Page 29

आध्यात्मिक भजन संग्रह
......
धरम मिठाई तप बहु मेवा, समरस आनँद अमल कटोरी । 'द्यानत' सुमति कहै सखियनसों, चिरजीवो यह जुगजुग जोरी || ३ || १४४. नगर में होरी हो रही हो मेरो पिय चेतन घर नाहीं, यह दुख सुन है को । । नगर. ।। १ ।। सोति कुमति राच रह्यो है, किहि विध लाऊं सो । । नगर. ।। २ ।। 'द्यानत' सुमति कहै जिन स्वामी, तुम कछु शिक्षा दो । नगर. ।। ३ ।। १४५. पिया बिन कैसे खेलौं होरी
५६
......
आतमराम पिया नहिं आये, मोकों होरी कोरी । । पिया. ।। १ ।। एक बार प्रीतम हम खेलें, उपशम केसर घोरी । । पिया. ।। २ ।। 'द्यानत' वह समयो कब पाऊं, सुमति कहै कर जोरी । । पिया. ।। ३ ।। १४६. भली भई यह होरी आई, आये चेतनराय काल बहुत प्रीतम बिन बीते, अब खेलौं मन लाय । भली. ।। १ ।। सम्यक रंग गुलाल बरतमें, राग विराग सुहाय । । भली. ।। २ ।। 'द्यानत' सुमति महा सुख पायो, सो वरन्यो नहिं जाय । । भली. ।। ३ ।। १४७. परमगुरु बरसत ज्ञान झरी
हरषि हरषि बहु गरजि गरजिकै, मिथ्यातपन हरी ।। परमगुरु. ।। सरधा भूमि सुहावनि लागै, संशय बेल हरी।
भविजन मनसरवर भरि उमड़े, समुझि पवन सियरी । । परमगुरु . ।। १ ।। स्यादवाद नय बिजली चमकै, पर मत - शिखर परी ।
चातक मोर साधु श्रावकके, हृदय सुभक्ति भरी ।। परमगुरु ।। २ ।। जप तप परमानन्द बढ्यो है, सुसमय नींव धरी ।
'द्यानत' पावन पावस आयो, थिरता शुद्ध करी । । परमगुरु. ।। ३ ।। १४८. री ! मेरे घट ज्ञान घनागम छायो शुद्ध भाव बादल मिल आये, सूरज मोह छिपायो । री. ।। अनहद घोर घोर गरजत है, भ्रम आताप मिटायो । समता चपला चमकनि लागी, अनुभौ सुख झर लायो। री . ।। १ ।।
marak 3D Kailash Data Antanji Jain Bhajan Book pro5
(२९)
पण्डित द्यानतरायजी कृत भजन
सत्ता भूमि बीज समकितको, शिवपद खेत उपायो ।
उद्धत भाव सरोवर दीसै, मोर सुमन हरषायो । । री. ।। २ ।। भव-प्रदेशतैं बहु दिन पीछें, चेतन पिय घर आयो। 'द्यानत' सुमति कहै सखियनसों, यह पावस मोहि भायो । री. ।। ३ ।। १४९. कहे सीताजी सुनो रामचन्द्र ......
कहै सीताजी सुनो रामचन्द्र, संसार महादुखवृक्षकन्द ।। कहै. ।। पंचेन्द्री भोग भुजंग जानि, यह देह अपावन रोगखानि ।। १ ।। यह राज रजमयी पापमूल, परिग्रह आरंभ में छिन न भूल ॥ २ ॥ आपद सम्पद घर बंधु गेह, सुत संकल फाँसी नारि नेह || ३ || जिय रुल्यो निगोद अनन्त काल, बिनु जानें ऊरध मधि पाताल ॥ ४ ॥ तुम जानत करत न आप काज, अरु मोहि निषेधो क्यों न लाज ॥ ५ ॥ तब केश उपरि सबै खिमाय, दीक्षा धरि कीन्हों तप सुभाय ।। ६ ।। 'द्यानत' ठारै दिन ले सन्यास, भयो इन्द्र सोलहैं सुरग बास ॥ ७ ॥ १५०. सुरनरसुखदाई, गिरनारि चलौ भाई बाल जती नेमीश्वर स्वामी, जहँ शिवरिद्धि कमाई । । सुर. ।। १ ।। कोड़ बहत्तर सात शतक मुनि, तहँ पंचमगति पाई । । सुर. ।। २ ।। तीरथ महा महाफलदाता, 'द्यानत' सीख बताई । । सुर. ।। ३ ।। १५१. आरति श्रीजिनराज तिहारी, करमदलन संतन हितकारी सुरनरअसुर करत तुम सेवा । तुमही सब देवनके देवा ।। १ ।। पंचमहाव्रत दुद्धर धारे। रागरोष परिणाम विदारे ।। २ ।। भवभय भीत शरन जे आये । ते परमारथ पंथ लगाये || ३ || जो तुम नाथ जपै मन माहीं । जनम मरन भय ताको नाहीं ॥ ४ ॥ समवसरन संपूरन शोभा । जीते क्रोध मान छल लोभा ।। ५ ।। तुम गुण हम कैसे करि गावैं। गणधर कहत पार नहिं पावैं ।। ६ ।। करुणासागर करुणा कीजे । 'द्यानत' सेवक को सुख दीजे ॥ ७ ॥
......
५७