________________
“ મારે સુખ જ જોઈએ છે” થી
વિશ્વના દરેક જીવની આ સર્વસામાન્ય ઇચ્છા છે કે, સંસારના સુખો મળે તે માટે જીવ અનંતો કાળ મહેનત કરે છે પરંતુ હંમેશા દુઃખ જ લમણે ઝીંકાયુ છે. સુખ કઈ રીતે મળે ? અને મળેલું સુખ કઈ રીતે કાયમ ટકે? એનો એક માત્ર ઉત્તર છે સિધ્ધિગતિની પ્રાપ્તિ. સિધ્ધિગતિ એટલે જયાં આત્માનું અનંત સુખ, અનંતુ જ્ઞાન શાશ્વતા અનંત કાળ માટે રહે તેવી ગતિ.
શીધ્રાતિશીધ્ર મોક્ષપ્રાપ્તિ માટે પંચ સૂત્રમાં ત્રણ ઉપાય બતાવવામાં આવ્યા છે. (૧) અરિહંતાદિ ચારના શરણ (૨) સ્વ દુષ્કતોની નિંદા (૩) સ્વ - પરના સુકૃતોની અનુમોદના.
આ પુસ્તકના કેટલાક પ્રસંગો ચાર શરણાની મહત્તા માટે, તો કેટલાંક પોતાના પાપોની નિંદા માટે અને કેટલાંક વિશ્વના જીવોની ઉત્તમ આરાધના, સાત્ત્વિકતા, ખુમારીને જાણીને અનુમોદના કરવા લખ્યા છે.
મોક્ષની નજીકમાં પહોંચેલા દરેક જીવને આવા વર્તમાનના, સત્ય પ્રસંગો વાંચતા અન્યોમાં રહેલા ઉત્તમ ગુણોને પોતાનામાં લાવવાના મનોરથ અવશ્ય જાગે, બીજાની અનુમોદના કરે, ભવોભવ જિનશાસન મળતુ રહે તેવી તમન્ના જાગે એ જ શુભાશિષ.
પંન્યા - ભરૂચ વિન
ચાર શરણા
સુકૃત-અનુમોદના
દુષ્કૃતગર્તા
