________________
ધનરૂપી લક્ષ્મીને બદલે જીવનમાં સમાધિરૂપી લક્ષ્મીની ચિંતા કરશું.
આ જ પુણ્યશાળીને પૂર્વ કર્મના યોગે થોડા સમય પૂર્વે શરીરમાં ભયંકર બિમારી આવી, બેભાન થઈ ગયા. થોડા કલાકો પછી ભાનમાં આવ્યા. ડૉક્ટરે હાર્ટએટેક વિ.ની વાતો કરી, સગાસંબંધીઓ ખબર અંતર પૂછવા લાગ્યા. પરંતુ એ ભાગ્યશાલી પૂર્ણ સમાધિમાં. થવાનું હતું એ થઈ ગયું. થોડા દિવસમાં સ્વસ્થ થયા બાદ એ જ આરાધનાઓ યથાવત્ ચાલુ કરી દીધી !
ચાલો, આપણે પણ જીવનમાં સંતોષ રાજા અને સમાધિ લક્ષ્મીની મુખ્યતા કરી માનવભવ સફળ બનાવી દઈએ.
૧૯. ૧૦૮ પાર્શ્વનાથ વંદના નરોડા, ગોડીજી પાર્શ્વનાથ પ્રભુની છત્રછાયામાં એક દિવસ રોકાવાનું થયું. કેટલાક ભાવિકો મુંબઈથી જાત્રા કરવા આવ્યા હતા. પૂછતા ખબર પડી કે તેઓ ૧૦૮ પાર્શ્વનાથની સાક્ષાત્ પૂજા-જાત્રા કરવા નીકળ્યા છે. ચોપડીમાં ૧૦૮ પાર્શ્વનાથ દાદાના દર્શનથી આગળ વધી દરેક દાદાના સાક્ષાત દર્શન-પૂજા કરવાની, ચૈત્યવંદનાદિ વિધિપૂર્વક આરાધના કરવાની.
વાસણા, ચંદ્રનગરની આસપાસના કેટલાક ભાવિકો અને યુવકો પણ આજ રીતે ૧૦૮ પાર્શ્વનાથ પ્રભુની જાત્રા કરી રહ્યા છે. કૃષ્ણનગરના ભૂતપૂર્વ ટ્રસ્ટી ગોવિંદભાઈ પણ સપરિવાર આવી જાત્રા કરી રહ્યા છે. કોઈકને ૪૦ પૂરી થઈ ગઈ છે તો કોઈકને ૬૫ પૂરી થઈ છે. કલિકાલમાં હાજરાહજૂર પ્રગટ પ્રભાવી એવા પાર્શ્વનાથ પ્રભુને કોટિ કોટિ વંદના.
દેવાલયમાં રસ છે કે દેહાલયમાં? જૈન આદર્શ પ્રસંગો-૯
[૨૪]
૨૪
