________________
૪૬
ખેતીલક્ષી ખેડૂતશાળા અલગ ન થઈ શકે તેવી પરિસ્થિતિમાં ખેડૂતને નવરાશને વખતે અક્ષરજ્ઞાન મળે તેવી જોગવાઈ ચીવટપૂર્વક રાખવી જોઈએ.
અક્ષરજ્ઞાન સાથે શાસ્ત્રીય દષ્ટિએ ખેતીની તાલીમ અનિવાર્ય જરૂરી છે. પણ એ વિષે તમારે જાતે જ એવી શાળા ઊભી કર્યા વિના છૂટકો નથી. હું અને સાથીઓ ગયા વર્ષથી આ બાબતમાં વિચારી રહ્યા છીએ.
અપરિગ્રહવાદને ધાર્મિક સિદ્ધાંત જાળવીને જ આપણે પ્રજોન્નતિનાં પ્રત્યેક કાર્યો કરવાનાં છે, તે લક્ષ્ય ભૂલાવું ન જોઈએ.
પીવાના પાણીનું દુ:ખ હવે હું સહુ ભાઈઓને ઉદેશીને કહું છું કે આ પ્રદેશનું પીવાના પાણીનું દુઃખ અને તેમાંયે ભાલની ખારી જમીનમાં કૂવાના સાધનની અસંભવિતતા છે, એ ભારે અસહ્ય છે. એ કષ્ટ અનુભવ વિના સમજાય તેમ નથી. હવા, પ્રકાશ પછીની અનિવાર્ય જરૂરિયાતમાં પાણીની જરૂરિયાત સર્વોપરીપણે છે.
પ્રિય છોટુભાઈ એ પરિગ્રહના પાપનું પ્રાયશ્ચિત્ત કરવા માટે મારી સંમતિ લઈને આ વિષે કેટલાક ભાઈએને લખેલું. તેમાંના અમુક ભાઈ એની આ સંમેલન અંગે તથા પાણીનાં દુઃખને ટાળવા નિમિત્તે આર્થિક મદદ આવી છે, પણ આ તો પાશેરાની પહેલી પુર્ણ જેવું છે. હું
