________________
जीतकल्पसूत्रम् । छट्टोववासपारणगमाणितो कवल घेत्तुकामेण । तं सुत मोत्तुं रभसुटिओ य भण केण कज्ज ? ति ॥८३५॥ पाणगदव्वं च तहिं, ज णत्थी तेण बेति कज्जं ति । णिग्गय आहिंडंते, अणेसणं कुणति ण य पेल्ले ॥८३६॥ इत एकवार बितियं, च हिंडिओ लद्ध तइयवाराए । अणुकंपा तूरंतो, गयो य तो तस्सगासं तु ॥८३७॥ खर-फरुस-णिरेहि, अक्कोसइ सो गिलाणतो रुट्ठो। दे मंदभग ! घुकिय, तूससि तं णाममेत्तेगं ॥८३८॥ साहुवयारि त्ति तुम, णाम अहं तु उद्दिसिउ आयो । एयाएँ अवत्थाए, तं अच्छसि भत्तलोहिल्लो ।।८३९।। अमयमिव मण्णमाणो, तं फरुसगिरं तु सो ससंभंतो। चलणगतो खामेती, धुवति य तं समललित्तं तु ॥८४०|| उद्धेह क्यामो ती, तह काहामो जहा उ अचिरेणं । होहिह णिरुया तुब्भे, बेती ण तरामि गंतु जे ॥८४१॥ आरुभहा पट्टीए, आरूढो ताहे तो पयारं तु । परमासुइ दुग्गंध, मुंचति सो तस्स पट्टीए ॥८४२॥ फरुसं बेति दुमुण्डिय !, वेगविधाओ कतो ति दुक्खविओ। इय बहुविहमक्कोसति, पदे पदे सो वि भगवं तु ॥८४३॥ ण गणेती फरुसगिरं, न वि अ हु दुव्विसहमसुइगंधं च । चंदणमिव मण्णतो, मिच्छामी दुक्कडं भणति ॥८४४॥ चिन्तेइ किं करेमी, कह णु समाही हवेज साहुस्स ? । इय बहुविहप्पगारं, ण वि तिण्णो जाहे खोभेउं ॥८४५॥ ताहे अभित्थुणित्ता, गतो तयो आगयो य इयरो वि। आलोएइ गुरूहि य, धण्णो त्ति तयो समणुसहो ॥८४६॥ जह तेणं ण वि पेल्लिय, एसण इय एव साहुणा णिचं । जइअव्वं एमेसा, एसणसमिती समक्खाया ।।८४७॥
Jain Education International
For Private & Personal Use Only
www.jainelibrary.org
