________________
स्वोपज्ञभाष्ययुतं
[गाथा आलोयणमादीणं, दसण्ह वी एस होति पिंडत्थो ।
सट्ठाणे सहाणे, विभागतो इणमो वोच्छामि ॥७३०॥ आलोचना- करणिज्जा जे जोगा, तेसुवयुत्तस्स णिरतियारस्स। प्रायश्चित्तम्
छउमत्थस्स विसोही, जइणो आलोयणा भणिया॥५ के पुण करणिज्जा ? जे, तित्थंकर-गणहरोवइट्टा उ । सुत्ताणुसारओ तू, संजम-दुक्खक्खया होऊ ।।७३१॥ जेत्तिय जे णिहिट्टा, जुजि जोगे कातमादिआ तिण्णि । जं जीवे झुंजयती, पेरयती वा ततो जोगा ॥७३२॥ संखेवयो उ एते, मुहपुत्तियमादि जाव उस्सग्गो। दियरायोसमायारी, जा जहियं वुत्त सुत्तम्मि ॥७३३॥ ते तु जया उवउत्तो, असवत्त करेइ णिरतियारा य । तद आलोयणमेत्तेण चेव सुद्धी तु छदुमस्स ॥७३४॥ छउमं कम्म भण्णइ, णाणावरणं च दंसणावरणं । मोहणिय अंतरायं, चउन्विहं होति णायचं ॥७३५॥ जे तु जया करणिज्जे, उवयुत्तो करेति णिरतियारो य । णणु तत्थ का व सुद्धी ?, का व असुद्धी उ ? चोएति ॥ गुरुराह तत्थ चेट्ठा, जा किरिया सुहुम आसवेमुं वा । अहव पमाया सुहुमा, अतियार ण जाणती छतुमो ॥७३७॥ ते अइयारा सुहुमा, आलोइयमेत्तया विसुझंति । सा आलोयण चोयग !, करणिज्जा तीसु जोगेसु ॥७३८॥ को कारयो ? जती तू , जइ साहु पयत्तियो विणिहिट्ठो। पंचम गाह समत्ता, गाहं छठें इमं वोच्छं ॥७३९॥ आहाराईगहणे, तह बहियाणिग्गमेसु णेगेसु । उच्चार-विहारावणि चेइय-जइवंदणादीसुं॥६॥
Jain Education International
For Private & Personal Use Only
www.jainelibrary.org
