________________
२०१
८७ ]
जीतकल्पसूत्रम् । तो बेति अण्णपासं, इम मुंजऽणुकंपदाए सुद्धा तु । धम्मं च पुट्ठऽपुट्ठो, कति सुद्धो असढभावो ॥२३३५॥ सढयाए पुण दोसो, भत्तं देंतस्स अहव कहयंते । आ सीआवणहेतुं, सोहि इमेहिं तु ठाणेहिं ॥२३३६॥ भत्ते पण्णवण णिगृहणा य वावार जंपणा चेव । पत्थवण सयंहरणे, सेहे अव्वत्त वत्तेयं ।। २३३७ ॥ गुरुओ चतुलहु चतुगुरु, छल्लहु छग्गुरुग छेदमव्वत्ते । वत्ते भिक्खुणो मूलं, दुग तु अभिसेग आयरिए ।२३३८॥ एवं ता जो णिज्जति, अहिहारेन्तो पुणोति जो जाति । सो वि य तहेव पुट्ठो, भणाइ वच्चामऽमुगमूलं ॥२३३९।। तह चेव भत्तपाणं, पण्णवणा चेव होति एत्थं पि । सेसा णिग्रहणाती, सव्वे वि पया ण संति इहं ॥२३४०॥ एमेव य इत्थीए, णिज्जंतऽभिधारयंति एमेव । वत्तऽव्वत्ताए गमो, दोसा य इमे हरंतस्स ॥२३४१।। आणायऽणंतसंसारियत्त बोहीय दुल्लभत्तं च । साहम्मियतेण्णम्मी, पमत्तछलणाऽहिकरणं च ॥२३४२॥ बितियपयं वोच्छेदे, पुव्वगए कालियाणुओगे य । एतेहिं कारणेहिं, कप्पति सेहाऽवहारो तु ॥२३४३॥ एवं तु सो अवहितो, जाहे जातो सयं तु पावयणी । कारणजाए य जया, होज्जाही अवहितो तेणं ॥२३४४॥ सो त चिय धरति गणं, कालगतो गुरुम्मि तं विहारेन्ते । जावेको णिप्फण्णो, ताहे से अप्पणो इच्छा ॥२३४५॥ अह हरिए णिकारणे, ताहे पुरिमाण चेव सो जाति । अह अब्भुज्जयमरणं, पडिवण्णो गुरुविहारं वा ॥२३४६॥ अण्णम्मि अविज्जते, आयरियपदारुहे तमेव गणं । धारेति जाव अण्णो, णिम्मातो तम्मि गच्छम्मि ॥२३४७॥
२६
Jain Education International
For Private & Personal Use Only
www.jainelibrary.org.
