________________
७१ ]
जिनकल्पः
जीतकल्पसूत्रम् । वइरोसभसंघयणा, सुत्तस्सऽत्थो तु हाति परमत्थो । संसारसंभवो वा जातो तो मुणियपरमत्थो ॥२१६०॥ दारं । अग्गहो ततियातीया, पडिमाहिं गहण भत्तपाणस्स । दोहिं तु उवरिमाहिं, गेण्हंती वत्थपायाई ॥२१६१।। दारं । दव्वे अभिग्गहा पुण, रतणावलिमाइगाइ बोद्धव्वा । एतेसु विदितभावो, उवेति जिणकप्पियविहारं ॥२१६२॥ दुविहा अतिसेसा वि य, तेसि इमे वणिया समासेणं । बाहिर अभितरगा, तेसि विसेसं पवक्खामि ॥२१६३॥ बाहिरओ सरीरस्सा, अतिसेसो तेसिमो तु बोद्धव्यो । अच्छिद्दपाणिपाया, वइरोसभसंघतण धीरा ॥२१६४॥ वग्गुलिपक्खसरिसयं, पाणितलं तेसि धीरपुरिसाणं । होति खतोवसमेणं, लद्धी तेसिं इमाऽऽहंसु ॥२१६५॥ माएज घडसहस्सं, धारेज व सो तु सागरा सव्वे । जो एरिसलद्धीए, सो पाणिपडिग्गही होति ॥२१६६॥ दारं। अभितर अतिसेसो, इमो उ तेसिं समासयो भणितो । उदही विव अक्खोभा, सूरो इव तेयसा जुत्ता ॥२१६७॥ अव्वावण्णसरीरा, व....गंधा ण होति से सरीरस्स । ख....म वि ण कुच्छ तेसिं,परिकम्मं ण वि य कुव्वंति।।२१६८॥ पाणिपडिग्गहिया तू , एरिसया णियमसो मुणेतव्वा । अतिसेसे बोच्छामि, अण्णे वि विसेसतो तेसिं ॥२१६९॥ दुविहो तेसऽतिसेसो, णाणातिसयो तहेव सारीरो । णाणादिसयो ओही, मणपज्जव तदुभयं चेव ॥२१७०॥ अहवाऽऽभिणिवोहीयं, सुतणाणं चेव णाणअतिसेसो। तिवलीअभिण्णचच्चा, एसो सारीर अतिसेसो ॥२१७१।। रतहरणं मुहपोत्ती, जहण्णमुवगरण पाणिपत्तिस्स । उकोसं कप्पतियं, सव्वो वि य एस पंचविहो ॥२१७२।।
२४
Jain Education International
For Private & Personal Use Only
www.jainelibrary.org
