________________
१७२
स्वोपज्ञभाष्ययुतं
[ गाथा अट्टविह रायपिंडं, अण्णयरायं तु जो पडिग्गाहे । सो आणा अणवत्थ, मिच्छत्त विराहणं पावे ॥२०००॥ दोसा इमे ईसरत लवरमाडंबिएहिं सत्थवाहे हिं । णिन्तेहिं अइन्तेहि य, वाघातो होति साहुस्स ॥२००१॥ ईसर भोइयमादी, तलवरपट्टेण तलवरो होति । वेढणवट्टो सेट्ठी, पच्चंतणिवो उ माडंबी ॥२००२॥ जा णिन्तऽइन्त ता अच्छतो तु सुत्तादि-भिक्खपरिहाणी। इरिया अमंगलं ति य, पण्हाहणणा इहरहा तु ॥२००३॥ लोभे एसणघातो, संका तेणे णपुंस इत्थी य । इच्छंतमणिच्छंते, चातुम्मासा भवे गुरुगा ॥२००४॥ अण्णत्थ एरिसं दुल्लभं ति गेण्हेजऽणेसणिज्ज पि । अण्णेण वि अवहरिए, संकिजति एस तेणो त्ति ॥२००५॥ संका चारिय चोरे, मूलं णिस्संकिए य अणवहो। परदारि अहिमरे वा, णवमं णीसंकिते दसमं ॥२००६॥ अलभंता य वियारं, इत्थिणपुंसा बला वि गिण्हेज्जा। आयरिय कुल गणे वा, संघे वा कुज्ज पत्थारं ।।२००७॥ अण्णे वि अस्थि दोसा, गोम्मियआइण्णरयणमादी य । तण्णीसाए पविसे, तिरिक्खमणुया भवे दुट्टा ॥२००८॥ गोम्मियगहणा हणणा, रण्णो य णिवेइयम्मि जं पावे । आदीणरतणमादी, सत गेण्हेयरो व तण्णीसा ॥२००९॥ चारियचोराभिमरा, कामी व विसति तत्थ तण्णीसा । वारणतरच्छवग्घा, मेच्छा य णरा व घाएज्जा ॥२०१०॥ दुविहे गेलण्णम्मी, णिमंतणा दव्वदुल्लमे असिवे । ओमोयरिय पदोसे, भए व गहणं अणुण्णायं ।।२०११॥ तिक्खुत्तो सक्खेत्ते, चउद्दिसिं मग्गितूण कडजोगी। दव्वस्स य दुल्लभता, जतणाए कप्पती ताहे ॥२०१२॥
रायपिंडे त्ति गतं ।
Jain Education International
For Private & Personal Use Only
www.jainelibrary.org
