________________
१६७
६८-६९ ]
जीतकल्पसूत्रम् । जागति दव्य जहट्ठिय, सच्चित्ताचित्त मीसयं चैव । कप्पाकप्पं च तहा, जोगं वा जस्स जं होति ॥१९४२॥ खेत्ते जे कायव्वं, अद्वाणे जयण एव सद्दहति । काले सुभिक्ख-दुभिक्खमादिसू जो जहा कप्पो ॥१९४३।। भावे हद्वगिलाणं, आगाढे जं जहा व कायव्वं । तं सद्दहति करेति य, एसो परिणामओ साहू ॥१९४४।। जो दवखेत्तकयकालभावयो जं जहा जिणक्खायं । तं तह असद्दहंतं, अप्परिणामं वियाणाहि ॥१९४५।। जो दव्वखेत्तकयकालभावयो जं जहा जिणक्खायं । तल्लेसुस्मुत्तमती, अतिपरिणामं वियाणाहि ॥१९४६॥ परिणमति जहत्थेणं, मती तु परिणामगस्स कज्जेसु । बितिए ण तु परिणमती, अहितमती परिणमे तितिए ॥१९४७॥ दोसु तु परिणमति मती, उस्सग्गऽववाययो तु पढमस्स । बितियस्स तु उस्सग्गे, अतिअववाए तु ततियस्स ॥१९४८॥ अंबादीदिटुंतेहिं परिक्खा तेसि होति कायवा। जह कोयि गुरूहि तू, भणितो अंबाणि आणेहि ॥१९४९॥ परिणामगोऽत्थ भणती, किं सच्चित्तेऽचिते व आणेमि ?। भावतो केवइए वा ?, किं टाले (?) भिण्णऽभिण्णे वा ? ॥१९५०॥ बेति गुरू लद्ध चिय, पुणो व वोच्छिम् अहव वीमंसा ! भणिओ सि त्ती एवं, अप्परिणामो इमं बेति ॥१९५१॥ किं ते पित्तपलावो ?, मा बितियं एरिसाई जंपाहि । मा णं परो वि सोच्छिति, अहं पि णेच्छामि एयस्स ॥१९५२॥ अतिपरिणामो भणति, कालो सिं अतिच्छए अहो ताव । किं एच्चिरस्स वुत्तं ?, इत्थऽम्ह वि ण तरिमो भणितुं ॥१९५३॥ घेत्तूण भारमागतो, भणती अण्णे वि किं नु आणेमि। तो दो वि गुरू भणती, उवालभन्तो इमं तहितं ॥१९५४॥
Jain Education International
For Private & Personal Use Only
www.jainelibrary.org
