________________
स्वोपज्ञभाध्ययुतं
गाथा णवविहववहारेसो, लहुसादि समासतो समक्खातो । पुणरवि ओहेण विभागयो य गुरुमादि वोच्छामि ॥१८३५॥ गुरुओ गुरुगतरातो, अहागुरूयो व होति ववहारो। लहुओ लहुततरातो, अहालहू चेव ववहारो ॥१८३६॥ लहुसो लहुसतराओ, अहालहू सो य होति ववहारो। एएसि पच्छित्तं, वोच्छामि अहाणुपुबीए ॥१८३७॥ गुरुओ य होति मासो, गुरुयतराओ य होति चतुमासो। अहगुरुओ छम्मासो, गुरुपक्खे एस पडिवत्ती ॥१८३८॥ तीसा य पण्णवीसा, वीसा वि य होति लहुयपक्खम्मि । पण्णरस दस य पंच य, लहुसगपक्खम्मि पडिवत्ती ॥१८३९॥ गुरुयं च अट्टमं खलु, गुरुयतरायं च होति दसमं तु । अहगुरुयं बारसमं, गुरुपक्खे एस पडिवत्ती ॥१८४०॥ छटुं च चउत्थ वा, आयंबिल एगठाण पुरिमई । णिव्वितियं दायव्वं, अहलहुसे अहव सुद्धो वा ॥१८४१॥ ववहारो आरोवण, सोही पच्छित्तमेयमेगडें । थोवो तु अहालहुसो, पट्टवणा होति दाणं तु ॥१८४२।।
ओहेण एस भणिओ, एत्तो वोच्छं पुणो विभागेणं । तिग णव सत्तावीसग, एक्कासीती य भेदेणं ॥१८४३॥ गुरुपक्खो लहुपक्खो, लहुसगपक्खो य तिविह एस भवे । एकेको पुणो तिविहो, उक्कोसादी इमं वोच्छं ॥१८४४॥ गुरुपक्खे उक्कोसा, मज्झ जहण्णो य एव लहुए वि । एमेव लहुसए वी, उक्कोसो मज्झिम जहण्णो ॥१८४६॥ गुरुपक्खे छम्मासो, पणमासो चैव होति उक्कोसो। मज्झिम तू तेमासो, दुमास गुरुमासिय जहण्णो ॥१८४६।।
Jain Education International
For Private & Personal Use Only
www.jainelibrary.org
